Олон улсын судалгааны хүрээлэнгүүд ихэнх улс орнууд өндөр ургац авсны мэдээлэл дээр тулгуурлаж, улаан буудайны дэлхийн үйлдвэрлэл ойрын жилүүдэд өсөх хандлагатай байна гэж дүгнэжээ. Тухайбал The Public Ledger сэтгүүлд бичсэнээр, 2008-2009 онд улаан буудайны үйлдвэрлэл 676.3 сая тоннд хүрч, өнгөрсөн оны прогнозоос 5.5 саяар илүү байх аж.

Европын холбооны орнуудад ургац 147.2 сая тоннд хүрч, ялангуяа Орос болон Украинд нэмэгдэх юм байна. Тиймээс энэ үр тарианы тээвэрлэлт болон хадгалалтанд асуудаг гарах магадлал өндөр байна.

Үр тарианы Grainfarmers компанийн тэргүүн С.Инглийн мэдээлж буйгаар, тус байгууллагын шинжээчид энэ онд улаан буудайны дэлхийн үйлдвэрлэлийн өсөлт бий болно гэж дүн гаргажээ. Харин Австрали Аргентин болон зарим улсад цаг агаарын тааламжгүй нөхцөлөөс шалтгаалж ургац муу байх гэнэ. С.Инглийн үзэж байгаагаар, улаан буудайны нөөцийн ихэнх нь тэжээлийн зориулалтых байгаа нь гол асуудал болоод байна.  Тиймээс өнөөдөр зах зээл дээр тэжээлийн үр тариа илүүдэлтэй байна. Харин чанарын улаан буудайн харьцангуй хомсдож эхэллээ. Гэхдээ эцсийн ургац хураалт дуусаагүй байгаа тул  дүгнэлт хийх боломжгүй байгаа аж.