“Улаанбаатар Их дуулга-2026” тэмцээний 66 кг-ын жинд хүч сорьж буй Азийн аварга Б.Эрхэмбаяр шигшээ наймын шатнаа 2025 оны дэлхийн аварга, 2024 оны ДАШТ-ий мөнгөн медальт Такэока Тэкэшид дийлдэв.

Улмаар хүрэл медалийн төлөө дагаж барилдахаар боллоо.

Харин -60 кг-ын жинд барилдаж буй Б.Сүхбат "С" хэсгийг өнгөлж шөвгийн дөрөвт хүрээд байна. Тэрбээр хэсгийн аваргын төлөөх барилдаандаа Европын АШТ-ий хошой хүрэл медальтай Ахмад Юсифовыг нэмэлт цагт буулгаж авлаа.

Мөн ДАШТ-ий хүрэл медальтай К.Ёолк шигшээ 16-гийн шатнаа энэ оны Европын АШТ-д түрүүлээд ирсэн ОХУ-ын тамирчин Мурад Чопановыг буулган авч, шигшээ наймд хүрээд байгаа юм.

Эх сурвалж: Монголын Жүдо бөхийн Холбоо