Дэлхийд ураны батлагдсан геологийн нөөцөөрөө (260 US$/kg хүртлэх үйлдвэрлэлийн зардалтай) Казахстан, Австрали, Канад, Узбекстан, ӨАБНУ, ОХУ, АНУ, Бразил, Намиб, Нигер, Украйн, Иордан, Энэтхэг, Хятад, Монгол зэрэг 16 улс орон тэргүүлдэг.

Дээрх улсуудын ураны нөөц дэлхийн ураны нөөцийн 97 орчим хувийг бүрдүүлдэг бөгөөд Монгол улс дэлхийн ураны нөөцийн 2 орчим хувийг эзэлж, 12-т орж байна. Ураны таамаг нөөцөөрөө Монгол улс дэлхийд 1 дүгээрт ордог.

График 1.
Ураны нөөц /2011 оны байдлаар/

График 2.

Ураны таамаг нөөц, тн  /2011 оны байдлаар/

Хүснэгт 1.

Уран олборлолт, тн /2011 оны байдлаар/

Ураныг олборлох арга өөрчлөгдөж байгаа бөгөөд, 1990 онд нийт олборлолтын 55 хувийг гүний уурхайн олборлолт эзэлж байсан бол 1999 оны байдлаар 33 хувьд хүрч байсан байна. 2000 оноос Канадын шинэ уурхайнууд олборлолт хийж эхэлсэнээр гүний уурхайн эзлэх хувь эргээд өссөн ч газар дор уусган баяжуулах аргын эзлэх хувь эрчимтэй өсөж байна.
Хүснэгт 2.
2011 оны ураны олборлолтыг олборлох аргаар нь ангилж үзвэл:

 

1990 оноод хойш уран олборлолтын аж үйлдвэр уг салбарт үйл ажиллагаа явуулдаг компани, аж ахуйн нэгжийн задрал, нэгдэл зэргээс өөрчлөгдсөөр ирсэн бөгөөд 2011 гэхэд дэлхийн ураны үйлдвэрлэлийн 85 хувийг 10  орчим компани гүйцэтгэж байна.

Хүснэгт 3.
Уран олборлолт аж ахуйн нэгжээр, тн /2011 оны байдлаар/

Өнөөгийн байдлаар дэлхийн хэмжээнд 19 улсын 36 орчим ордоос жилд 51-55 орчим мянган тонн ураныг олборлож эрчим хүчний салбарт хэрэглэж байна. Мөн ойрын жилүүдэд 9 улсын хэмжээнд 38 ураны ордын ашиглалтын төслийг эхлүүлэхээр төлөвлөж байна. Цаашид 9 улсын нутаг дэвсгэрт 100 орчим хэтийн төлөвтэй ураны хэтийн төлөвтэй талбайнуудад хайгуулын төслүүдийг хэрэгжүүлж, геологийн судалгааг хийж байна.

Хаагдсан ураны ордуудын хувьд 1950-иад оноос 2004 оны хооронд олбрлож байсан 12 улсын 106 ураны орд нөөц дууссан учраас хаагаад байна.

Дэлхийн улс орнууд ураны геологийн судалгаанд их хэмжээний хөрөнгө оруулалт хийж байгаа ч шинээр ураны ордуудыг олж илрүүлэх, нээх, нөөц тогтоох асуудлууд хангалттай биш байгаа ба энэ нь ураны нөөц багсаж байгааг харуулж байна. Ураны нөөц ойрын 20-25 жилд бодит хэрэглээнээс 2 дахин багсах төлөв ажиглагдаж байна.Тоон үзүүлэлтээр бодит ураны олборлолт 75-85 мян.тн, бодит хэрэглээ 78-110 мян.тн байх төлөвтэйг олон улсын судалгааны байгууллагууд гаргаад байна. Хэрэглээний дутууг одоохондоо цөмийн зэвсэг үйлдвэрлэхэд зориулж өндөр агуулагатайгаар баяжуулсан ураныг дахин боловсруулж эрчим хүчний зориулалтаар хэрэглэх ураныг гарган авч байна.

График 3.
Ураны эрэлт, нийлүүлэлт