Дэлхийн Эрүүл мэндийн байгууллагын урилгаар ХБНГУ-ын “ASB” байгууллагын баг Монгол Улсад ирсэн бөгөөд мэргэжлийн тусламж, зөвлөгөө өгөхөөр ажиллаж байгаа билээ.

Эдгээр зургаан мэргэжилтэн гуравдугаар сарын 2-ны өдөр Москва-Улаанбаатар чиглэлийн нислэгээр Францын иргэнтэй нэг онгоцоор ирсэн байна.

Тэднийг тусгаарласан гэдгийг Эрүүл мэндийн сайд Д.Сарангэрэл мэдээллээ.

Онгоцонд тухайн хүний суусан суудлаас аль аль тийш гурван эгнээг нэгдүгээр хавьтал хэмээн үздэг бөгөөд эдгээр хүмүүсийг олж тогтоон тусгаарласан. Мөн галт тэргэнд хамт явсан 28 хүнийг Дорноговь аймагт тусгаарлаад байгаа юм байна.