Саяхан болтол дэлхийн хүн ард хоёр системд зааглагдан харилцан бие биенээ танихгүй явсан цаг бий. Нэгэн үед Япон гэдэг нэр Монголчуудын дайсан мэт яригддаг байсан нь нууц биш билээ. Гэтэл өнөөдөр арлын орон япон, Монгол хоёр ах дүү мэт харилцан зорчдог болжээ.

Энэ удаад Японы Хоккайдо мужийн Саппоро хотыг танилцуулж байна. Тус хотод орчин үеийн соёлыг цогцлоон бүтээсний зэрэгцээ хөгжим, киноны их наадмууд зохион байгуулагддаг уламжлал тогтжээ.

Манай Монголчууд тус хотод Хоккайдогийн их сургуульд сурдаг юм байна. Саппоро хотод 1,9 сая хүн оршин суудаг. Жил бүр зохиогддог Экспо үзэсгэлэнг үзэхээр олон зуун мянган хүн Саппород цуглардаг байна.

Тус хот нь энэ жил "Бүтээлч хот" болохоор зарлажээ. Саппоро хотын шинэ Читосе онгоцны буудал нь хотын агаарын ганц гарц бөгөөд орон нутагт Токио, Нагоя, Осака зэрэг олон газруудад нислэг үйлддэг. Олон улсын транзит нислэгээр түвэггүй зорчих боломжтой. Мөн Сөүл, Бээжин болон азийн томоохон хотууд руу шууд нислэгтэй.

Өвлийн улирлыг нөөц баялаг, хөрөнгө болгож чадсан жишээнүүд олон байдаг аж. Жил бүр цасны наадам зохион байгуулдаг уламжлалтай. Тус хот өнгөрсөн оны гуравдугаар сарын газар хөдлөлтөөр гамшиг шуудаар нөлөөлөөгүй боловч аялал жуулчлалын салбарт учруулсан хор хохирол маш их байжээ.

Саппоро хотын дэлхийн дулаарлын эсрэг авч буй арга хэмжээ их. Тус хот холимог эрчим хүчний үүсгүүртэй бие засах газар, Нанакамода зэрэг олон цэцэрлэгүүдэд холимог эрчим хүчийг суурилуулжээ.

Тус хот нь цасанд суурилсан хүйтэн эрчим хүчийг ихээр ашиглаж байна. Мөн нарны эрчим хүчийг ихээр ашигладаг. Саппород өвөлдөө хамгийн дээд тал нь -20 хэм хүртэл хүйтэрдэг гэнэ. Харин зундаа цэцгэн дунд умбаж байдаг үзэсгэлэнтэй газар ажээ. Иймээс жуулчид ихээр цуглардаг байна.

Н.Сүрэн