-"Дарханы төмөрлөгийн үйлдвэр"-ийн менежментийн талаар шийдвэр гаргасан нууц тогтоол үйлдэгджээ гэсэн мэдээллийг та олж үзсэн биз дээ?
-Тогтоолыг үг үсгээр нь уншвал менежментийн гэрээ дотроо зохих, дурдагдсан зүйлүүдийг харгалзаж ажилла гэсэн чиглэл байгаа. Утга нь бол энэ үйлдвэр саяхныг хүртэл тааруухан үйл ажиллагаатай явж ирсэн. Одоо хамгийн гол нь түүхий эдгүй болчих гээд байна. Тиймээс энэ үйлдвэрийг өөрийн түүхий эдийн баазтай болгож ажиллуулах шаардлагатай. Хятадуудад алдагдсан байсан төмрийн ордын хоёр ч лицензийг "Дарханы төмөрлөгийн үйлдвэр"-т олгосон. Тиймээс энэ орд газруудаа хамгийн богино хугацаанд, зүй зохистой, оновчтойгоор ашиглаж ажлынхаа үзүүлэлтийг сайжруулсны дараа ашигтайгаар хувьчлах бэлтгэл ажлыг ханга гэсэн л утгатай байгаа шүү дээ. Гэтэл өнөөдөр "Дарханы төмөрлөгийн үйлдвэр"-ийг тэгчихэж болзошгүй байна, ингэчихэж мэднэ гэхчилэн дандаа хардалт сэрдэлт яваад байна л даа. Ерөөсөө менежментийн хувьчлал явагдаагүй. Менежментийн хувьчлал ярихгүй. Ярихгүй учраас тийм шинэ үүрэг даалгавар өгөөд байна. Хувьчлах тохиолдолд тухайн цагт нь Төрийн өмчийн хороонд яригдаад, ордуудтай нь хувьчлах эсэхийг шийднэ.

-Өнөөдөр "Дарханы төмөрлөгийн үйлдвэр"-ийн ажлын явц ямаршуухан байна вэ?
-Ер нь бол энэ үйлдвэр хүчин чадлынхаа 50 хувьд ч хүрч ашиглагддаггүй байсан юм. Өнгөрсөн жил бол хүчин чадлынхаа бараг 85 хувьд хүрч ажилласан. Тэрний урьд жил нь 65 хувьд хүрсэн. Тиймээс бас ч гэж өнөөгийн шинэ удирдлага бол муу ажиллаагүй байна.

Б.Хэрлэн