АНУ-ын Төрийн нарийн бичгийн дарга Марко Рубио Монголын Сар шинийн баярт зориулан Монгол түмэнд баярын мэндчилгээ дэвшүүллээ.

Мэндчилгээнд "Америкийн Нэгдсэн Улсын нэрийн өмнөөс Монголын уламжлалт шинэ жилийн баяр болох Цагаан сараа тэмдэглэж байгаа хүн бүрт чин сэтгэлийн халуун мэндчилгээ дэвшүүлье.

АНУ нь Монгол Улстай байгуулсан Стратегийн гуравдагч хөршийн түншлэлээрээ бахархаж байдаг. Ирж буй жилд манай хоёр орны харилцаа улам гүнзгийрнэ гэдэгт итгэж байна.

Цагаан сарын баяраа Монголд, Америкт, эсвэл дэлхийн бусад улсад тэмдэглэн өнгөрүүлж буй хүн бүрт айсуй Гал морин жилдээ эрүүл энх, аз жаргал, хөгжил дэвшлийг хүсэн ерөөе" гэжээ.