ЦХИХХЯ “ClariTec Digital Technology Group”-ийн гүйцэтгэх захирал Ван Пэнсю, Бизнес хариуцсан захирал Му Чэньлу тэргүүтэй төлөөлөгчдийг хүлээн авч уулзлаа.

Тэд Монгол Улсад сэргээгдэх эрчим хүч, AI дата төв болон тооцооллын дэд бүтцийг хөгжүүлэх боломжийн талаар санал солилцжээ.

Тус групп нар, салхины эрчим хүч, эрчим хүчний хуримтлуурыг өндөр хүчин чадлын AI дата төвтэй хослуулан хөгжүүлэх сонирхлоо илэрхийлж, хөгжлийн загвараа танилцуулсан байна.

Мөн Монголын сэргээгдэх эрчим хүчний нөөц, байгаль цаг уурын давуу талд түшиглэн өндөр үнэ цэн бүхий AI тооцооллын хүчин чадал, дижитал эдийн засгийн шинэ боломж бий болгох талаар ярилцжээ.

Эх сурвалж: ЦХИХХЯ