ХХ зууны Сэлэнгэ нутгийн манлай бөх Дамдинсүрэнгийн Данзан арслан улсын наадамд олон жил тогтмол сайн барилджээ. Төр засгийн алба ч хашиж явсан түүхтэй. Бас шаггүй ч морь уядаг хүн байжээ.

1933 оны төрийн их баяр наадмыг ардын хувьсгалын 12 жилийн ой жарны нэгэн мөчлөг хэмээн үзэж өргөн наадам хийж 880 бөх барилдуулав. Сэлэнгийн Д.Данзан арслан ес даван үзүүр булааж улсын арслан цол хүртжээ. Түүний хойтон 1934 оны их баяр наадамд хурдан бор морио уяж ирэн уралдуулж аман хүзүүнд хурдлуулж гайхамшиг амжилтыг гаргасан байна.

Хан богд Хатан туулын эрэгт
Асар майхан алаглаж
Боохой Данзан үзүүрлэж
Бор морь нь аман хүзүүдэв... хэмээх яриа тэр үест гарч байсан гэдэг.