Монгол Улсын Ерөнхийлөгч Ц.Элбэгдорж 2015-2016 оны хичээлийн шинэ жилийн эхний хичээлийг “Санаа зөв бол заяа зөв” сэдвээр заана.

Хичээлийг Монголын үндэсний олон нийтийн телевизээр 10.00 цагаас орон даяар шууд дамжуулна.

Тиймээс өмчийн хэлбэр үл харгалзан хүүхэд бүрийг үзэх боломжоор хангах ажлыг аймаг, нийслэлийн боловсролын газар, соёлын газар, хэлтсийн дарга нарт даалгажээ.

Монгол Улсын Ерөнхийлөгч

• 2009 онд “Дэлхийн дулаарал ба Монгол”,
• 2010 онд “Монголын бахархал”,
• 2011 онд “Монголын сайхан орноор”,
• 2012 онд “Хүн болох багаасаа”,
• 2013 онд “Хуулийн засаглал, хүүхдийн оролцоо”,
• 2014 онд “Бүтээлч боловсрол-Бүтээлч иргэн” зэрэг хичээлүүд зааж байсан билээ.