“Татвар төлөгчдийн өдрүүд”-ийн хүрээнд  Нийслэлийн үйлчилгээний нэгдсэн төвийн Дүнжингарав салбарт “Кассын машин, POS төхөөрөмж нийлүүлэгч компаниудын үзэсгэлэн худалдаа” болж байна.

Нийслэлийн татварын газар, Сүхбаатар дүүргийн татварын хэлтэс, “Хэрэглэгчийн систем нийлүүлэгчдийн холбоо” төрийн бус байгууллага энэ үзэсгэлэнг хамтран зохион байгуулжээ.

НТГ-ын дарга Д.Мөнх-Учрал, ХСНХ-ны гүйцэтгэх захирал Ж.Баянмөнх нар өчигдөр үзэсгэлэнг нээж, татвар төлөгчдөд мэндчилгээ дэвшүүлэв.  

БЗД-ийн Санхүү, төрийн сангийн Хэлтсийн дарга Ц.Өсөхбаяр “2016 оны төсвийн зарцуулалт”-ыг танилцуулж, БЗД-ийн Татварын хэлтсийн Татвар төлөгчтэй харилцах тасгийн Улсын ахлах байцаагч Ц.Эрдэнэхүү “И-баримт”-ын талаар татвар төлөгчдийн сонирхсон асуултад хариулт өгч, сургалт зохион байгууллаа.

Мөн энэ үеэр МУИС-ийн Бизнесийн сургуулийн оюутнууд Татварын албатай хамтран татвар төлөгчдөд мэндчилгээ дэвшүүлэн, танин мэдэхүйн “АХА” тэмцээнийг үйлчлүүлэгч, иргэдийн дунд зохион байгуулжээ.

Кассын машин, POS төхөөрөмж нийлүүлэгчдийн зах зээлийн 80 орчим хувийг эзэлдэг дараах компаниуд үзэсгэлэнд оролцож байна.

• “Электромон трейдинг” ХХК
• “Вансифорус” ХХК
• “Датакейр” ХХК
• “Интер актив Би Ай” ХХК
• “Прософт технологи” ХХК
• “Ритус” ХХК
• “Инфо системс” ХХК
• “Майсофт” ХХК
• “Тангетэд плас” ХХК
• “Мажор софт” ХХК
• “Ай си ти вишн” ХХК
• “Интерактив” ХХК
• “Тауэр Софт” ХХК

Дээрх үзэсгэлэн өнөөдөр Мишээл төвд, маргааш Драгон НҮНТ дээр үргэлжилнэ. Худалдаа, үйлчилгээ эрхлэгчид эндээс хэрэгцээндээ тааруулан цахим төлбөрийн баримт хэвлэх төхөөрөмж худалдан авах боломжтой.