Монгол-Хятадын үйлдвэрлэгч, худалдаалагчдын экспо үзэсгэлэн яармаг энэ сарын 23-27-нд БНХАУ-ын ӨМӨЗО-ны Хөх хотод болно.

Энэ үеэр ӨМӨЗО-ны Ардын засгийн газар, Хөлбөмбөгийн холбоо, Спортын захиргаа, Бүс нутгийн Худалдаа, аж үйлдвэрийн газар хамтран хоёр орны 15 хүртэлх насны ангиллын өсвөрийн хөлбөмбөгчдийн тэмцээнийг зохион байгуулах юм.

Тэмцээнд Монгол Улсаас дөрөв (“ДМЮ”, “Монголын тэмүүлэл”, “Хараацай”, “Дэрэн”), БНХАУ-ын дөрөв, нийт найман баг хүч үзэх юм байна.

Өнөөдөр МХБХ-ноос энэ жил зохион байгуулсан тэмцээн уралдаан хамгийн өндөр амжилт үзүүлсэн “ДМЮ” клубийн 15 хүртэлх насны баг сүүлийн бэлтгэлээ хийсэн бөгөөд өнөөдөр орой Хөххотыг зорих юм байна.

Монгол Улсаа төлөөлөн өнөө орой урд хөршийг зорих дөрвөн клубийн энэ жилийн амжилт:

“ДМЮ” клуб

• МХБХ-ны футзалын УАШТ – Алтан медаль
• МХБХ-ны футзалын лиг – IV байр
• МХБХ-ны талбайн УАШТ – Алтан медаль
• МХБХ-ны талбайн лиг – Алтан медаль

“Монголын тэмүүлэл” клуб:

• МХБХ-ны футзалын УАШТ – Мөнгөн медаль
• МХБХ-ны футзалын лиг – Хүрэл медаль
• МХБХ-ны талбайн УАШТ – 1/4 шигшээ
• МХБХ-ны талбайн лиг – Мөнгөн медаль

“Хараацай” клуб:

• МХБХ-ны футзалын УАШТ – 1/4 шигшээ
• МХБХ-ны футзалын лиг – VII байр
• МХБХ-ны талбайн УАШТ – 1/4 шигшээ
• МХБХ-ны талбайн лиг – Хүрэл медаль

“Дэрэн” клуб:

• МХБХ-ны футзалын УАШТ – 1/8 шигшээ
• МХБХ-ны футзалын лиг – Оролцоогүй
• МХБХ-ны талбайн УАШТ – 1/4 шигшээ
• МХБХ-ны талбайн лиг – IV байр

Гэрэл зургийг: ДМЮ Хөлбөмбөгийн клуб