Google компани өнгөрсөн шөнө маш том бүтцийн өөрчлөлт хийж буйгаа зарлаж үүсгэн байгуулагч Ларри Пейж Alphabet хэмээх шинэ, илүү том компанийн гүйцэтгэх захирал болж, Сергей Брин ерөнхийлөгчөөр нь ажиллахаар болсон.

Би яг л Уоррен Баффеттай адилхан болохыг хүсэж байна

Ингэснээр Google-ийн өмнө нь эзэмшиж байсан Calico, Google X зэрэг хэлтсүүд Alphabet-ийн охин компани болон үйл ажиллагаа явуулах бөгөөд Пейж, Брин нар одоо юу хүссэнээ өөрсдийн компанидаа нэгтгэж болох аж.

Харин энэхүү алхам нь тэгж гайхаад байхаар зүйл биш байжээ. Business Insider-т бичсэнээр өмнө нь Google-ийн удирдах албан тушаалтан байсан нэгэн “Энэ асуудлыг аль дөрвөн жилийн өмнөөс ярьж эхэлсэн. Хэдийгээр зарим нэг жижиг сажиг зүйлс нь өөр ч гэсэн үндсэн санаа нь хэвээрээ” гэжээ.

Пейжийн хамгийн их итгэдэг зөвлөхүүдийн нэг бүтээгдэхүүн, үйлчилгээний салбарын тэргүүн дэд ерөнхийлөгч Салар Камангар дөрвөн жилийн өмнө удирдах албан тушаалтнуудын уулзалтын үеэр энэ санааг анх гаргасан юм байна.

Ингээд Салар өдөр бүр ажилдаа ирэх шаардлагагүй болж, үйл ажиллагаануудад биеэр хүрэлцэн ирэх нь багасаж, гол анхаарлаа “Alphabet”-ийг байгуулахад хандуулан ажиллаж эхэлжээ.

Түүнчлэн өнгөрсөн аравдугаар сард Google-ийн үйл ажиллагааг Сундар Пичай удирдан явуулах болсон нь Пейж өдөр тутмын сурталчилгааны ашиг, орлоготой зууралдахаас залхсантай холбоотой байлаа.

Үүнээс гадна Пейж өөр салбарт хөрөнгө оруулалт хийж, Google гэх аварга том хайлтын системээс өөр зүйлд анхаарлаа хандуулахыг хүссэн аж. Өнгөрсөн жил The Financial Times-т өгсөн ярилцлагадаа Пейж “Би яг л Уоррен Баффеттай адилхан болохыг хүсэж байна” гэж байжээ.

Эх сурвалж: