УИХ-ын ээлжит бус чуулганаар төсвийн тодотголыг хэлэлцэж байна. Төсвийн тодотголтой холбоотойгоор УИХ-ын 27 гишүүн асуулт асууж, хариулт авахаар нэрээ өгөв.

УИХ-ын гишүүн М.Нарантуяа Нара ахмадын тэтгэврийг нэмэхийг дэмжиж буйгаа илэрхийлээд Ерөнхий сайдад дараах санал хэлэв.

Тэрбээр, Тэртээ тэргүй үргүй зарцуулж байгаа хөрөнгийг ахмадынхаа тэтгэвэр нэмэхэд зарцуулахыг дэмжиж байна. Ер нь бол төсвийн мөнгөөр улс төр хийдгийг халах хэрэгтэй. Н.Учрал сайдын Засгийн газрыг огцруулах акц өрнөж байх шиг байна. Миний хувьд Засгийн газрыг огцруулна гэхээс илүү хэд хэдэн сайдыг солимоор байна.

Тухайлбал, ГБХНХ-ын сайд Т.Аубакирыг сольж өгнө үү. Үндэстэн ястнаар ялгаварласандаа биш, өнгөрсөн хугацаанд Монголын төр засагт гарсан, Монгол Улсаас урвасан Зарьдхаан, Жэкэй, Мурат зэрэг гишүүнээс харвал Монгол Улсын бодлогын яамыг Т.Аубакир гишүүнээр удирдуулахгүй байх нь зөв гэж санал гаргаж байна. Яагаад гэдэгт хариулах холбогдох материалуудыг өөрт тань илгээе гэв.  

Түүний тавьсан саналд Ерөнхнй сайд Н.Учрал чуулганы танхимд ямар нэг хариулт өгөөгүй.