Нийслэлийн Замын Хөгжлийн Газрын захиалгаар “Мөнхөд Ашдын Зам” ХХК зураг төслийг боловсруулж, “Гэрэлт зам ундарга” ХХК дугуй, скүүтер, мопедын замын эгнээг автомашины эгнээнээс тусгаарлан хэвтээ тэмдэглэлээр гаргаж байна.

Одоогийн байдлаар замын хажуугийн 14.6 км эгнээ гаргасан. Энэ онд моторт бус тээврийн хэрэгсэл буюу скүүтер, мопед, дугуй, замын 31.2 км эгнээ гаргах аж.

Шинэлэг технологиор замын хуучин тэмдэглэгээг үр дүнтэй, хурдан арилгаж, шинэ дугуйн эгнээний будгийг тавьж гүйцэтгэж байна.

Мөн иргэдийг аюулгүй зорчих, замын түгжрэлийг багасгах зорилгоор бусад улс орны туршлагыг судлан, хөдөлгөөн зохион байгуулалтын төлөвлөгөөг гарган ажиллаж байна.

Энэхүү ажил нь автомашингүйгээр хөдөлгөөн хийх боломжийг нэмэгдүүлж, агаарын бохирдол бууруулах чухал нөлөөтэй гэж Нийслэлийн Замын хөгжлийн газраас мэдээллээ.