Хичээлийн шинэ жил эхлэхэд цөөхөн хоног үлдлээ. 2026.08.24–09.09-ний өдрүүдэд ахлах ангийн сонгон судлах хичээлийн сонголтыг сургууль тус бүрийн системээр зохион байгуулна. Сурагчид эцэг эх, асран хамгаалагчтайгаа зөвлөлдөн, 2026–2027 оны хичээлийн жилийн турш судлах хичээлээ сонгох юм. 

Нийт 16 сонгон судлах хичээлээс 10 дугаар анги дөрвөн хичээл, 11,12-р анги тус бүр гурван хичээл сонгоно. Сургуулийн системд сонголтоо баталгаажуулсан тохиолдолд хичээлийн жилийн турш дахин солих боломжгүй ажээ. 

Ахлах ангийн сурагчид дараах 16 хичээлээс сонголтоо хийнэ. Үүнд: 
1.Англи хэл
2.Биологи
3.Бизнес судлал
4.Газар зүй
5.Дизайн зураг зүй
6.Математик
7.Механик ба электроник
8.Монгол хэл, бичиг
9.Мэдээллийн технологи
10.Нийгэм судлал
11.Орос хэл
12.Түүх
13.Уран зохиол
14.Физик
15.Хими
16.Хувцасны загвар зохион бүтээлт

Эх сурвалж: Боловсролын ерөнхий газар