Өмнөговь аймгийн Даланзадгад суманд орон нутгийн төсвийн хөрөнгө оруулалтаар ахмад настнуудад зориулсан сувиллын төвийн барилга баригдаж, ашиглалтад ороход бэлэн болжээ.

Тус сувилал нь жилдээ 1000 гаруй ахмадыг хүлээн авах хүчин чадалтай бөгөөд тэдэнд эрүүл мэнд, сэргээн засах болон асаргаа сувилгааны цогц үйлчилгээг үзүүлэх юм.

Мөн тус төвийн нэгдүгээр давхарт Хөдөлмөр, халамжийн үйлчилгээний газар байрлаж, иргэдэд хөдөлмөр эрхлэлт болон нийгмийн халамжийн үйлчилгээг нэг дороос, шуурхай хүргэх боломж бүрдэж байгаа аж.