Метилийн спирт бүхий архи олон арван хүний амь насыг авч одсон эмгэнэлт явдал гарсантай холбогдуулан Засгийн газраас авсан арга хэмжээний нэг нь гаальтай машиныг хилээр гарч орохыг зогсоох тухай шийдвэр байлаа.

Энэ нь спиртийн наймаачид гаальтай машинаар гаалийн байцаагчтай хуйвалдан хилээр оруулж ирдэг гэх сэжиглэлээс үүссэн асуудал. "Азийн чоно" компанийн үйлдвэрлэсэн архины спиртийг гаальтай машинаар хил нэвтрүүлсэн нь бараг тодорхой болчихоод байгаа. Тиймээс Засгийн газрын гаргасан шийдвэрийн дагуу тусгай зөвшөөрөл бүхий хувийн эзэмшлийн машиныг хилээр нэвтрүүлэхийг өнгөрсөн баасан гарагаас эхлэн зогсоож, гар тээштэй иргэд хилээр явган гарч байхаар болж байгаа аж.

Б.Үдэл