УИХ-ын гишүүн Т.Аюурсайхан УИХ дахь Оффшорын эсрэг бүлгийг ахалдаг.   

УИХ-ын гишүүн Ц.Даваасүрэн, М.Оюунчимэг, М.Билэгт, Н.Учрал, Х.Болорчулуун, А.Сүхбат нарын санаачлагаар 2017 оны дөрөвдүгээр сард энэ бүлгийг байгуулсан юм.

Улс төрчид болон хамаарал бүхий этгээдүүд нь оффшор бүсэд данс нээх, эзэмших, түүгээр гүйлгээ хийхийг Нийтийн албанд нийтийн болон хувийн ашиг сонирхлыг зохицуулах, хувийн ашиг сонирхлын зөрчлөөс урьдчилан сэргийлэх тухай хуулиар хориглосон. Мөн төрийн алба хаших хугацаанд л энэ хориг үйлчлэх бөгөөд иргэд, ААН-үүдэд оффшор бүсэд данс нээх, гүйлгээ хийх эрх нээлттэй.   

Гэвч энэ хуулийн хамрах хүрээ буюу чухам ямар улсуудад данс нээх, эзэмшихийг хууль бус гэж үзэх нь маргаан дагууллаа. Засгийн газраас 2017 онд 326 дугаар тогтоол гарган, Оффшор бүс, түүний нутаг дэвсгэрийн жагсаалтыг баталсан. Гэвч Засгийн газар энэ оны эхээр жагсаалтыг өөрчлөн, Швейцар, Сингапур, Хонконгийг хасахаар төлөвлөжээ. Удахгүй болох Засгийн газрын хуралдаанаар энэ асуудлыг батлахаар зэхэж байна. 

Харин УИХ дахь Оффшорын эсрэг бүлэг энэ шийдвэрийг эсэргүүцсэн үндэслэлээ Ерөнхий сайд У.Хүрэлсүхэд хүргүүлээд байна.

Сангийн сайд Ч.Хүрэлбаатар ямар шалтгаанаар Швейцарын Холбооны Улсыг хассанаа дараах албан бичгээр тайлбарлажээ.       

Засгийн газрын 2017 оны 326 дугаар тогтоолд заасан, Оффшор бүсэд хамаарах гадаад улс, түүний нутаг дэвсгэрийн жагсаалт (Эх сурвалж: legalinfo.mn)

Оффшор бүсэд хамаарах гадаад улс, түүний нутаг дэвсгэрийн жагсаалтыг олон улсын эдийн засаг, банк, санхүүгийн байгууллагаас гаргасан жагсаалтыг харгалзан шинэчлэн тогтоохыг тухай бүр шийдвэрлүүлж байхыг Сангийн сайд Ч.Хүрэлбаатарт даалгаж, Монголбанкны ерөнхийлөгч Н.Баяртсайханд зөвлөсөн юм.