Үндэсний портал GoGo.mn мэдээлэл, харилцаа холбооны хурдацтай хөгжлийн эрин үед цоо шинэ үйлчилгээнүүдийг нэвтрүүлэн хөгжүүлсээр байгаа билээ.

Дэлхий нийтээр хэвлэмэл буюу цаасан бүтээгдэхүүнээс татгалзаж, цахим хэрэглээг илүүд үзэж байгаа орчин үед уншигч, хэрэглэгч Та бүхэндээ ном зохиол, сонин, сэтгүүл зэргийг Электрон хэлбэрээр унших боломжтой  шинэ үйлчилгээг энэ удаад танилцуулж байна.

Бидний нэвтрүүлж буй энэхүү үйлчилгээ Таны цаг, мөнгийг хэмнээд зогсохгүй  Байгальд ээлтэй технологийг амьдралын хэв маяг болгох чин хүсэлтэй  холбоотой юм.

Өөрөөр хэлбэл Та номын сан, дэлгүүрээс хэрэгцээтэй ном зохиолоо олж авахын тулд багагүй цаг, мөнгийг зарцуулж байгаа нь дамжиггүй. Харин Үндэсний портал Gogo.mn-ийн  “Электрон ном ” үйлчилгээнээс  хэрэглэгчид хүссэн цаг үедээ бага өртгөөр ном худалдаж болон түрээсээр авч унших боломжтой болж байна.

Түүнчлэн  хөдөө орон нутаг, хилийн чанадад байгаа бүх интернэт хэрэглэгч энэхүү үйлчилгээг хүртэх боломжоор бүрэн хангагдаж байгаа юм.

Бидний нэвтрүүлж  буй “Электрон ном ” үйлчилгээ:
-Байгальд ээлтэй орчин үеийн хэрэглээ,
-Цаг, хугацаа орон зайнаас үл хамааран өөрийн хүссэн зохиол, бүтээлээ худалдан болон түрээслэн авах боломж,
-Зохиогчийн эрх болоод Оюуны өмчийн хамгаалалтай,
-Хэвлэмэл, биет номноос харьцангуй хямд үнэтэй зэрэг олон давуу талыг хэрэглэгч Танд мэдрүүлэх болно.

Зориулалтын төхөөрөмжөөр Та ном уншиж болно

Уншигч Та худалдаж эсвэл түрээсээр авсан ном зохиолоо компьютер дээрээ уншихаас гадна зориулалтын унших төхөөрөмжинд байршуулан унших боломжтой юм.

Ном унших төхөөрөмжүүд нь өөртөө хэдэн зуун номыг багтаах санах ойтой, цэнэгээ удаан хугацаагаар барьдаг зэрэг давуу талтай.

Түүнээс гадна дэлгэц нь электрон бэх технологиор (e ink) хийгдсэн тул нүдэнд хоргүй, цаасан ном уншихтай адил хэмжээний нөлөөлөл үзүүлдэг болно.

Мөн дуу хөгжим сонсох, тэмдэглэл хөтлөх, интернэтэд холбогдох зэрэг мультмедиа боломжуудтай.

Зохиогчийн эрх болоод Оюуны өмчийн найдвартай хамгаалалт
Бид энэхүү үйлчилгээндээ АНУ-ын “Adobe Systems” компанийн хамгийн сүүлийн үеийн дэвшилтэт технологийг ашиглаж байна.

Энэ нь Таны худалдан авсан болон борлуулах гэж буй ном бусдад дамжин хуулбарлагдах боломжгүй.

Өөрөөр хэлбэл, хамгаалалт найдвартай байдал талаасаа дэлхий нийтэд хүлээн зөвшөөрөгдөж буй стандарт болон хэрэглэгдэж байгаа системийг бид ханган ажиллах юм.

Зохиогчийн эрх эзэмшигчдийг урьж байна
Манай электрон номын санд  эхний ээлжинд уран зохиол, мэргэжил, хүний хөгжил, эрүүл мэнд, түүх гэх мэт салбар бүрийн  ном зохиолуудын дээжээс байршаад байна.

Энэ буландаа зохиолч, орчуулагч, зохиогчийн эрх эзэмшигч гээд хэн бүхэнтэй хамтран ажиллахдаа хэзээд бэлэн байна. Бид  бизнесийн шударга зарчимд тулгуурлан, орчин үеийн соёлтой хэрэглээг нийтэд түгээхэд Та бүхэнтэй хамтран ажиллахдаа баяртай байх болно.

Холбоо барих:
Утас: 326590, 99051619
Email: book@gogo.mn  

Шинэ үеийн хэрэглээ
Уламжлалт хэрэглээг мэдээллийн технологийн дэвшилтэт хэрэгслүүдтэй хослуулснаар  ном уншиж оюун ухааныхаа цар хүрээг тэлэх хүсэл, тэмүүлэлтэй хүмүүсийн тоо дэлхийн улс оронд нэмэгдэж, энэ чиглэлийн үйлчилгээ ч эрчээ авч байна.

Тиймээс  шинэ үеийн ухаалаг хэрэглээг уншигч, хэрэглэгч Та бүхэн сонгож мэдээлэл, технологийн энэ эрин зуунтай хөл нийлүүлэн алхахыг урьж байна.

Дэлгэрэнгүй мэдээллийг http://book.gogo.mn –эндээс үзнэ үү.

Үндэсний портал GoGo.mn