Дэлхийн хамгийн том идэвхтэй галт уул болох Мауна Лоагийн ойролцоо пүрэв гаргаас хойш 36 удаагийн жижиг газар хөдлөлт болсон. Улмаар Хавай мужийн Иргэний хамгааллын газар болон АНУ-ын Геологийн албанаас галт уул дэлбэрч магадгүй хэмээх сэрэмжлүүлэг гаргажээ.

Одоогоор дэлбэрэх идэвхтэй шинж тэмдэг байхгүй бөгөөд галт уулын оргилох шалтгаан газрын гадаргаас доош 8 км-ын гүнд магмын хөдөлгөөнөөс үүдэх магадлалтай аж.

Энэ оны зургаадугаар сард өдөрт 5-10 удаагийн жижиг газар хөдлөлт болж байсан бол 7, 8-р сард 10-20, 9-р сард 100 болж нэмэгдсэн байна.

Хавайн арлын тал хувийг эзэлдэг Мауна Лоа галт уул 33 удаа дэлбэрч байсан ба хамгийн сүүлд 1984 онд дэлбэрчээ.

Эх сурвалж: CNN