“Киви” хамтлагийн ахлагч Д.Ука буюу Д.Уламбаяр шинэ цомгийнхоо бэлтгэл ажилд оржээ. Одоогоор цомогт багтах дууныхаа бичлэгийг хийлгэж байгаа бөгөөд ая зохиогч, продюссер Б.Ангирмаагаар ихэнх дуугаа хийлгэжээ.

Түүний анхны бие даасан цомог ирэх сарын сүүлчээр мэндэлж фэнүүдийнх нь гарт очно. Тэрбээр энэ зун ганцаар уран бүтээлээ хийж байгаа ч “Киви” хамтлаг тараагүй гэдгийг албан ёсоор илэрхийлж буй.

Түүнийг ганцаар уран бүтээл хийснээс хойш жимсний хааны нэрээр хамтлагаа нэрлэсэн “Киви” хэр удаан тайзан дээр амьдрах бол гэсэн хардлага фэнүүд дунд нь тэнүүчлэх болжээ.

Б.Дарь