АНУ болон Монгол Улсын Засгийн газар хооронд “Хүүхэд хамгааллын түншлэлийн компакт: Хүн худалдаалахаас хүүхдийг хамгаалах нь” төслийн хүрээнд гэмт хэргийн гэрч, хохирогч хүүхдээс мэдүүлэг авах зориулалттай “Хүүхдэд ээлтэй өрөөг” Хүүхэд, гэр бүлийн хөгжил, хамгааллын ерөнхий газар-н харъяа гурван байршилд бүрэн тохижуулж, өнөөдөр хүлээлгэн өглөө.

Үүнд:

• Чингэлтэй дүүргийн Хүүхэд, гэр бүл, хөгжил, хамгааллын хэлтэс 
• 108 шуурхай тусламж, хамгааллын төвийн дэргэдэх түр хамгаалах байр
• Баянзүрх дүүргийн Хүүхэд, гэр бүл, хөгжлийн хамгааллын хэлтсийн дэргэдэх түр хамгаалах байр багтжээ.

Монгол Улсын Засгийн газар, АНУ-ын Төрийн департаментын Хүүхэд хамгааллын компакт түншлэлийн хүрээнд Азийн сан, Дэлхийн Зөн Монгол ОУБ хамтран “Хүн худалдаалахаас хүүхдийг хамгаалах нь” төслийг 2020 оноос хэрэгжүүлж байна. 

Эх сурвалж: Гэр бүл, хөдөлмөр нийгмийн хамгааллын яам