УИХ-ын төвийн байнгын хороо хуралдав.

Хуралдаанд 29 гишүүнээс 19 гишүүн оролцож, Туулын хурдны замын  төслийг хэлэлцэв. Энэ үеэр УИХ-ын гишүүн  УИХ-ын гишүүн Ч.Лодойсамбуу байр сууриа илэрхийлэв.

-Би Хан-Уул дүүргийн гишүүн. Би энэ талаар удаан дуугүй байсан. Иргэдийн эсэргүүцлийг ажиглаад л байлаа. Гэтэл та нар даваа гарагт манай бүлгийн хуралд орж ирээд хангалттай мэдээлэл өгөөгүй шүү дээ. Байгаль орчны байнгын хороо мөн (2026.03.31) хуралдаагүй.

Дарга нь манай АН-ынх болохоор та нар ирцийг нь албаар бүрдүүлээгүй. Харин энэ байнгын хороонд болохоор өөрсдийнх нь хүмүүс байлаг тул ирцгээсэн байна. Т.Даваадалай би чамтай нэг сургуульд байсан, чамайг мэднэ. Чи хэнтэй үзэлцдэг байсан юм? Нэр ч үгүй, сураг ч үгүй л байсан шүү. Эр хүн шиг байгаарай. Хотын дарга нь жагсаал хийж, гараад ир, үзье гэсэн. Т.Даваадалай сая гарсан юм бол эр хүн шиг үзэхгүй яасан юм? Гарыг нь дагаж унаад, жүжиглээд л. 

Одоо нийслэлчүүдээс санал авъя гэнэ үү? Төрийн ажил ингэж явдаг юм уу? 500 тэрбум төгрөг зарлагадсаны дараа санал авах юм уу? Захиргааны хуулиа хар л даа. Х.Нямбаатар дарга та их сандарч, хүмүүсийг цуглуулж, айлын хаяг заагаад явах юм гэв.