Дархан аварга Н.Батсуурь улсын заан Б.Бат-Өлзийд элэг бүсээ тайлсан нь энэ жилийн наадмын бөхийн тааврыг эвдэн, наадамчин олны хүндэтгэлийг хүлээсэн агшин яах аргагүй мөн байлаа. 

Увс аймгийн Ховд сумын харьяат, Увс нуур дэвжээ, Сүлд спорт хороо, Хемон Констракш ХХК-ийн бөх Монгол Улсын Дархан аварга Н.Батсуурь 2007 онд аймгийн начин цол хүртсэн цагаасаа хойш хүчит бөхийн дэвжээнээ наадамчин олноо сийрэг хэмээн хүндлэгддэг түүний өнөөдрийн үйлдэл нь бас нэгэн хүндлэм явдал боллоо.

Ховд аймгийн Зэрэг сумын харьяат, Ховд дэвжээ, Аврагч спорт хорооны бөх, улсын заан Б.Бат-Өлзий ийнхүү үндэсний их баяр наадамд үзүүр түрүү булаалдахаар боллоо. Наймын даваанд Улсын арслан Э.Батмагнайгаар давж Улсын гарди цолны болзол хангаад байсан тэрбээр ийнхүү Улсын арслан цолны болзол хангалаа.