АҮЭБЯ-аас цаг үеийн асуудлаар мэдээлэл хийж байна.

2026 оны 8 сарын 5-ны өдрийн байдлаар УБ 43 вагон цистерн А92 орж ирсэн. Энэ нь 2580 тонн. Ердийн хэрэглээгээ тасралтгүй  үргэлжлүүлээд явж байна. Богино хугацаанд нөөцөө өсгөж, доголдлыг даван туулахаар ажиллаж байна.

Түгээлтийн хувьд 24 цагийн хугацаанд УБ хотод 155 ШТС, орон нутгийн 80 ШТС-д түгээлтээ хийсэн байна.

Бусад эх үүсвэрээс газрын тосны бүтээгдэхүүн татан авах ажлыг хийж байна. Замын-Үүд хотод 2000 тонн дизель түлш орж ирсэн. Шилжүүлэн ачих үйл ажиллагаа хийгдэж удахгүй Улаанбаатарт ирж түгээлт хийгдэнэ.

ОХУ-с бид бүхэн 2026 оны 8 сард хүлээж авах бүтээгдэхүүнээ баталгаажуулсан. Өмнө нь 800 ам.дол байсан 92 төрлийн бүтээгдэхүүний үнэ 851 ам.дол болж ирсэн. 

Боловсруулах үйлдвэрээ маш богино хугацаанд ашиглалтад оруулах ажлуудыг хийж хэрэгжүүлж байгаа бөгөөд энэ хүрээнд хоёр том бодлогын шийдвэр гаргасан.

Гадаад зээлийг чөлөөтэй буюу гүйцэтгэлээрээ санхүүжүүлэх боломжийг олгосон. Энэ асуудлаас болж өмнө нь тодорхой хэмжээнд ажил удааширдаг байсан. 

Хоёрт бид савны хэмжээг нэмэгдүүлж байна. Сүүлийн жилүүдэд газрын тосны бүтээгдэхүүний хэрэглээ эрс нэмэгдэж байна. Үүнийг дагасан савны багтаамж нь төдийлөн нэмэгдэж чадахгүй байна. Нийтдээ улсын хэмжээнд  42 хоногийн нөөцийг бүрдүүлж зуны улиралд бий болдог дотоодын аялал жуулчлалыг даван гарах хүрээнд ийм арга хэмжээ хэрэгжүүлсэн. 

Газрын тосны боловсруулах үйлдвэр 2028 онд ашиглалтад орсноор зарим нэр төрөл дээр 100 хувь дотоодоо хангах ба зарим нэр төрөлд 30-50 хувь хангах үйл ажиллагаа хэрэгжүүлнэ. Ингэснээр хангамж болон үнийн асуудал тогтвортой болох давуу байдал бий болно.

2026 оны хүрээнд 150 мянган м.куб савыг ашиглалтад оруулна. Улмаар 2028 он гэхэд МУ-ын газрын тосны бүтээгдэхүүний хэрэглээний 3 сарын нөөцийг хангах боломжийг бүрдүүлэх ажил эрчимтэй явж байна.