БОУАӨЯ-ны Байгаль орчны улсын хяналтын газрын Амьтан, ургамлын хяналт хариуцсан Шинжээч, Улсын ахлах байцаагч Д.Сонин-Эрдэнэ хүрэн баавгайтай таарсан тохиолдолд авах арга хэмжээг танилцууллаа. 

Тэрбээр "Хүн бусад байгалийн зэрлэг амьтадтай зэрэгцэн орших хэрэгтэй. Байгаль дээр зэрлэг мөн чанараар амьдарч буй амьтдын эрхэд халдахгүй байх хэрэгтэй. Иргэд баавгайн идэш тэжээл, суурьшлын бүс рүү зорчихгүй, суурьшихгүй байж болзошгүй аюулаас урьдчилан сэргийлэх хэрэгтэй.

Орон нутгийн засаг захиргаа тодорхой арга хэмжээг авч, бодлогыг барьж ажиллаж хэрэгтэй. Тухайн баавгай орж ирээд байгаа бүс нутаг бол баавгайн тархац нөөц бүхий нутаг дэвсгэртэй хил залгаа бүс.

Ийм учраас л баавгай харагдаад байгаа юм.Үүнд иргэдийн суурьшлыг сийрэгжүүлэх, тухайн бүс нутгаас иргэдийг нүүлгэн шилжүүлэх зэрэг арга хэмжээг авах ёстой" гэлээ.

Баавгай харсан тохиолдолд юу хийх вэ? 

• Тайван байх 
• Өмчлөлийн эд зүйл, хоол хүнсэнд хүрсэн тохиолдолд орхих,
• Хүн гэдгээ тайвнаар мэдэгдэх (Зэрлэг амьтан хүнээс үргэх, дайжих байгалийн зантай иймд дуу авиа гаргаж хүн гэдгээ мэдэгдэх зүйтэй),
• Баавгайн бүсэд ганцаараа явахгүй байх,
• Баавгайн үүр, ичээнд ойртохгүй байх хэрэгтэй.