Монголын хамгийн том конвиниенс дэлгүүрийн сүлжээ CU Конвиниенс дэлгүүрийн үйл ажиллагааг удирдан явуулж буй Премиум Нэксус ХК нь (MSE: CUMN) 2024 онд стратегийн өргөжилт шинэчлэлтүүдийг хийж, нийлүүлэлтийн сүлжээний интеграцчлал, дижитал шилжилтийн бодлогоороо жижиглэн худалдааны салбарт манлайлж байна.

2024 оны үйл ажиллагааны онцлох үзүүлэлтүүд:

• CU конвиниенс дэлгүүр нь 2024 онд нийт 445 салбар дэлгүүртэй болж, үүний 397 нь Улаанбаатар хотод, 50 нь хөдөө орон нутагт үйл ажиллагаа явуулж байна.
• Компанийн цэвэр орлого өмнөх оны мөн үетэй харьцуулахад 53%-иар өсөж, 598.4 тэрбум төгрөгт хүрлээ.
• Компанийн цэвэр ашиг өмнөх оны жилийн эцэстэй харьцуулахад 81.1 тэрбум төгрөгөөр нэмэгдэж, 2024 оны жилийн эцэст 48.4 тэрбум төгрөгт хүрлээ.
• Цэвэр ашгийн маржин 8,1%-тай гарсан нь өмнөх оны мөн үетэй харьцуулахад 16.5 пунктиэр сайжирсан үзүүлэлт байв.
• Чингис Шар Айраг ХХК-ийг худалдан авснаар компанийн цэвэр ашгийн дүнд 19,4 тэрбум төгрөгийн нэг удаагийн бизнесийн нэгдлийн олз бүртгэгдлээ.
• Компанийн нийт хөрөнгийн хэмжээ 314.1 тэрбум төгрөгт хүрч, 2023 оны жилийн эцсийн хөрөнгийн дүнтэй харьцуулахад 62%-иар өссөн үзүүлэлттэй байна.

Премиум Нэксус нь босоо интеграцчилсан бизнес загвараараа онцлог бөгөөд CU конвиниенс дэлгүүрийн үйл ажиллагааны дэд бүтцийг ашиглан хоол үйлдвэрлэл, логистик, цахим худалдааны салбарт охин компаниудаараа дамжуулан дэлхийн стандартад нийцсэн үйлчилгээгээр хүмүүсийн өдөр тутмын амьдралыг хялбаршуулахаар зорьж ажиллаж байна.

• CU конвиниенс дэлгүүр үйл ажиллагааныхаа цар хүрээг улам бүр тэлж Улаанбаатар хотоос гадна нийт 12 аймагт салбар дэлгүүрээ нээж, Монгол орны өнцөг булан бүрт CU конвиниенс дэлгүүрийн стандарт үйлчилгээг үзүүлж байна.

Бусад охин компаниуд:

• Стора: JD.com, eBay-тэй стратегийн түншлэлийг амжилттай байгуулсан
• Чингис Шар Айраг: 2 литрийн хэмжээтэй шинэ төрлийн савлагааг зах зээлд нэвтрүүлж, хэрэглэгчдэд хүртээмжтэй байдлаа нэмэгдүүлэв
• Сентрал Коммерс: Asahi Super Dry брэндийн борлуулалтыг 21 аймагт амжилттай өргөжүүлэв
• Сентрал Кофе Рөүстинг: Шинэ ургацын чанартай ногоон кофены үрийг эх орондоо хуурч зөвхөн CU-ээс гадна Хорека зах зээлд нэвтрүүлсэн байна.
• Сентрал Фүүдс компани: ISO гэрчилгээ авч, бүтээгдэхүүний чанарын стандартыг сайжруулсан.
• Премиум Нэксус Ложистикс: шинэ хүйтэн хэлхээний агуулах болон түгээлтийн автомашины паркаа өргөжүүлснээр логистикийн үр ашгийг нэмэгдүүлсэн.

Премиум Нэксус компани урт хугацааны стратегиа амжилттай хэрэгжүүлж, зах зээлийн манлайлал, дэд бүтэц, технологийн дэвшилтэт шийдлүүд, бүтээгдэхүүний ялгарал болон үнэнч хэрэглэгчийг нэмэгдүүлэх гэх мэт гол үзүүлэлтүүдээр Монголын жижиглэн худалдааны зах зээлд тэргүүлэх байр сууриа улам бэхжүүлсээр байна.

Эх сурвалж: https://investor.cumongol.mn/?p=4727

https://investor.cumongol.mn/?page_id=3594