Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Сүүлийн саруудад бараа бүтээгдэхүүний үнэ ханш бага багаар нэмэгдсээр байна. Үндэсний статистикийн хорооноос гаргасан мэдээгээр өргөн хэрэглээний бараа бүтээгдэхүүний үнийг өнгөрсөн сартай харьцуулахад 9.7 хувиар нэмэгджээ. Харин өнгөрсөн долоо хоногтой харьцуулбал дөрөв орчим хувиар өссөн байна. Бараа бүтээгдэхүүний үнэ ханш тасралтгүй өсч байгаагийн гол шалтгаан нь валютын ханшийн хэлбэлзэл, мөн шатахууны үнийн өсөлт аж. Үүнээс гадна ченж нарын зохиомол хөөрөгдөл байгаа нь мэдрэгддэг. Уг нь хямралын үед бараа бүтээгдэхүүний борлуулалт буурч, үүнийг дагаад үнэ нь хямдрах учиртай. Харамсалтай нь манай улс ихэнх бүтээгдэхүүнээ гадаад зах зээлээс татдаг тул валютын ханшийн савлагаагаар барааны үнэ өсгөх шаардлага гарч байна. Мөн шатахууны үнэ нэмэгдэхэд барааны үнэ өсдөг бичигдээгүй хуультай. Гэхдээ энэ удаагийн бараа бүтээгдэхүүний үнийн өсөлт үндэслэл муутай гэдгийг холбогдох газрын хүмүүс хэлж байна.
Өөрөөр хэлбэл, шатахууны үнэ нэмэгдсэнтэй холбогдуулж бараа бүтээгдэхүүний үнэ өсөх учиргүй аж. Өмнө нь валютын ханшийн хэлбэлзэлтэй холбогдуулж барааны үнэ огцом өссөн. Улмаар ам.доллар суларч эхэлсэн ч бүтээгдэхүүний үнэ буураагүй. Иймд шатахууны үнэ нэмэгдсэнтэй холбогдуулж бүтээгдэхүүний үнийг өсгөх нь үндэслэлгүй болж байгаа аж.
Цагаан будааны үнэ тасралтгүй нэмэгдсээр
Өргөн хэрэглээний бараа бүтээгдэхүүний дотроос цагаан будаа, элсэн чихрийн үнэ дуудлага худалдаанд оруулсан мэт өрсөн өсч байна.
Үндэсний статистикийн хорооноос гаргасан мэдээгээр элсэн чихрийн үнийг өмнөх сартай харьцуулбал 40 гаруй хувь, цагаан будааных 20 орчим хувиар нэмэгджээ. Хүнсний ногооны үнэ хоёр орчим хувиар өсөөд байна. Валютын ханшийн хэлбэлзэлд өртөх учиргүй махны үнэ хүртэл 10 хүртэл хувиар нэмэгджээ. Үхрийн мах 4500, хониных 3200 төгрөгийн үнэтэй байна. Байцаа 800-1200, манжин 900-1200, хятад төмс 600-700, монгол төмс 1000-1200 төгрөгийн ханштай байв. Гэхдээ энэ нь захуудын үнэ ханш. Нийслэлийн захын дүүргүүдийн дэлгүүр, түргэн үйлчилгээний цэгт бараа бүтээгдэхүүний үнэ ханш дээрхээс 100-200 төгрөгөөр өндөр байна. Ингэж байж л дэлгүүрийн эзэд ашиг олдог биз. Харин хөдөө орон нутагт бараа бүтээгдэхүүний үнэ нийслэлийнхээс харьцангуй өндөр байгаа аж.
Г.Батзориг
Сүүлийн саруудад бараа бүтээгдэхүүний үнэ ханш бага багаар нэмэгдсээр байна. Үндэсний статистикийн хорооноос гаргасан мэдээгээр өргөн хэрэглээний бараа бүтээгдэхүүний үнийг өнгөрсөн сартай харьцуулахад 9.7 хувиар нэмэгджээ. Харин өнгөрсөн долоо хоногтой харьцуулбал дөрөв орчим хувиар өссөн байна. Бараа бүтээгдэхүүний үнэ ханш тасралтгүй өсч байгаагийн гол шалтгаан нь валютын ханшийн хэлбэлзэл, мөн шатахууны үнийн өсөлт аж. Үүнээс гадна ченж нарын зохиомол хөөрөгдөл байгаа нь мэдрэгддэг. Уг нь хямралын үед бараа бүтээгдэхүүний борлуулалт буурч, үүнийг дагаад үнэ нь хямдрах учиртай. Харамсалтай нь манай улс ихэнх бүтээгдэхүүнээ гадаад зах зээлээс татдаг тул валютын ханшийн савлагаагаар барааны үнэ өсгөх шаардлага гарч байна. Мөн шатахууны үнэ нэмэгдэхэд барааны үнэ өсдөг бичигдээгүй хуультай. Гэхдээ энэ удаагийн бараа бүтээгдэхүүний үнийн өсөлт үндэслэл муутай гэдгийг холбогдох газрын хүмүүс хэлж байна.
Өөрөөр хэлбэл, шатахууны үнэ нэмэгдсэнтэй холбогдуулж бараа бүтээгдэхүүний үнэ өсөх учиргүй аж. Өмнө нь валютын ханшийн хэлбэлзэлтэй холбогдуулж барааны үнэ огцом өссөн. Улмаар ам.доллар суларч эхэлсэн ч бүтээгдэхүүний үнэ буураагүй. Иймд шатахууны үнэ нэмэгдсэнтэй холбогдуулж бүтээгдэхүүний үнийг өсгөх нь үндэслэлгүй болж байгаа аж.
Цагаан будааны үнэ тасралтгүй нэмэгдсээр
Өргөн хэрэглээний бараа бүтээгдэхүүний дотроос цагаан будаа, элсэн чихрийн үнэ дуудлага худалдаанд оруулсан мэт өрсөн өсч байна.
Үндэсний статистикийн хорооноос гаргасан мэдээгээр элсэн чихрийн үнийг өмнөх сартай харьцуулбал 40 гаруй хувь, цагаан будааных 20 орчим хувиар нэмэгджээ. Хүнсний ногооны үнэ хоёр орчим хувиар өсөөд байна. Валютын ханшийн хэлбэлзэлд өртөх учиргүй махны үнэ хүртэл 10 хүртэл хувиар нэмэгджээ. Үхрийн мах 4500, хониных 3200 төгрөгийн үнэтэй байна. Байцаа 800-1200, манжин 900-1200, хятад төмс 600-700, монгол төмс 1000-1200 төгрөгийн ханштай байв. Гэхдээ энэ нь захуудын үнэ ханш. Нийслэлийн захын дүүргүүдийн дэлгүүр, түргэн үйлчилгээний цэгт бараа бүтээгдэхүүний үнэ ханш дээрхээс 100-200 төгрөгөөр өндөр байна. Ингэж байж л дэлгүүрийн эзэд ашиг олдог биз. Харин хөдөө орон нутагт бараа бүтээгдэхүүний үнэ нийслэлийнхээс харьцангуй өндөр байгаа аж.
Г.Батзориг