Уяхан эгшигт хийл барьсан туяхан нэгэн бүсгүй гэхээр хийлч Ч.Дэлгэрцэцэгийн тухай ярих нь гэж хэн бүхэн мэддэг болсон. Хөгжим Бүжгийн Коллежоос авахуулаад АНУ-ын Мичиган мужийн Grand Valley их сургуулийг хийлийн гоцлон тоглоочоор төгссөн Ч.Дэлгэрцэцэгийн хувьд хийлийн гоцлолоор олонд танигдан алдарших зам тийм ч дардан байгаагүй. Нийгэм бүхэлдээ зохиолын дуугаар л амьсгалж, зохиолын дуучид л “од” болон гялалзаж байсан тэр л үед хийлийн гайхамшигийг олонд мэдрүүлсэн гавъяатай нэгэн бол хийлч Дээгий. Урлагтаа зориулсан сэтгэл, өөртөө итгэсэн итгэл, мэргэжлийн ур чадвар энэ бүхэн нь зохиолын дууг л урлаг гэж ойлгодог байсан тэр үеийг өөрчилж, өөрийгөө ч олон түмнээр хүлээн зөвшөөрүүлж чадсан.     

Хийлийг төгс эзэмшиж, амьдралынхаа нэгээхэн хэсэг болгож  чадсан энэ эмэгтэй жилд нэг л удаа нижгэр тоглолт хийдэг. Түүнтэй хамтарч ажиллах санал олон газраас ирдэг ч тэр бүр реклам сурталчилгаанд тоглоод байдаггүй. Харин саяхнаас “Эйрлинк Монголиа” компанийн нүүр царай болон цэнхэр дэлгэцээр харагдах болж. Олон улсын болон дотоодын онгоцны билет борлуулалтын чиглэлээр салбартаа тэргүүлдэг,  бизнесийнхний байнга үйлчлүүлэх дуртай “Эйрлинк Монголиа” компани, хийлч Дээгий хоёр хамтран ажиллаж эхэлжээ. Салбарын шилдэг expert – үүд бие биенээ сонгожээ.