Манай гаригийн “хар алт”-ны нөөц ердөө л 2050 он хүртэл л хүрэлцэнэ. Гэхдээ өөр эх үүсвэр тухайлбал цөмийн эрчим хүч, нүүрс гэх мэтийг зэрэгцэн ашиглавал. Үүнээс гадна хөгжиж байгаа орнуудын эдийн засаг өссөөр байвал дэлхийн "хар алтны" нөөц дээр дурьдсан хугацаанаас ч өмнө дуусна. Өнгөрсөн жил Хятад Улс, АНУ, Японы дараа нефть импортлогч орон болсон ганцхан статистик тоо түгшүүр төрүүлэхгүй байх аргагүй.

Хэрвээ Энэтхэг, Хятадын эдийн засгийн хөгжил өнөөгийн хурдаар явбал дэлхийн нефтийн нөөц 2050 оноос өмнө дуусна. Учир нь эдгээр хоёрхон орны "хар алт"-ны хэрэгцээ өдрийн 85 сая баррелиас 200 хүртэл өсөх юм.

Энэхүү тоо баримтыг Дэлхийн эрчим хүчний зөвлөлийн илтгэлд “World Energy Council” дурьдсан байна. Тус зөвлөл 94 оронд төлөөлөлтэй бөгөөд орчин үеийн эрчим хүчний янз бүрийн чиглэлийн мэргэжилтнүүдийг нэгтгэж байдаг юм. Зөвлөлийн гурван жил тутам гаргадаг илтгэлд Ойрхи Дорнодыг нефтийн баялгийн нөөц газар гэдгийг дахин онцолсон байна. Тус бүс нутагт дэлхийн "хар алт"-ны нөөцийн 61 хувь нь байдаг аж.

Дэлхийн эрчим хүчний зөвлөлийн мэргэжилтнүүд илтгэлд дурьдсан тоо баримтаараа нефтийн гачаалд орно гэж "сүрдүүлэх"-ийг гол болгосонгүй. Орчин үеийн шинжлэх ухаан техникийн өндөр дэвшил, технологийг ашиглан урд өмнө нь ашиглах боломжгүй байсан орд газрыг нээх бололцоотой болсныг онцолжээ.

Харин байгалийн хийн нөөц 3.5 хувь өссөн нь бараг 6-176 триллион куб.метр юм. Энэ нь ойрын 56 жил хүрэлцэх бөгөөд дэлхийн эдийн засгийн хөгжлийн хурдаар 130 жил ч хангалттай хүрэлцэх аж. Тус байгууллагын мэргэжилтнүүд нефтиэс өөр эрчим хүчийг манай гаригийн хүн амын хоёрхон хувь нь ашиглаж байгаа төдийгүй "хар алт"-наас өөр бодитой ижил төрлийн эх үүсвэр        байхгүйг сэрэмжлүүлсэн байна. 2020 он гэхэд нефтийн хэрэглээ өнөөдрийнхөөс 20 хувь орчим нэмэгдэх боловч мөн л "хар алт"-тай өрсөлдөхүйц түлш гарч ирэхгүй бололтой.