-Рио-де-Жанейро хотоос мэдээлж байна-

Олимпийн наадмын жүдо бөхийн -100кг-д олимпийн аварга Н.Түвшинбаяр эхний барилдаанаа хилээ. "А" хэсэгт Н.Түвшинбаярын эхний учраа Кубын бөх Хосе Арментерос байсан.

2014 онд Челябинскийн дэлхийн аварга шалгаруулах тэмцээнээс мөнгөн медаль хүртэж байсан жүдоч. Хоёр жүдоч 2015 оны Астанагийн ДАШТ-д учраа таарч юүко үнэлгээгээр Н.Түвшинбаяр ялж байсан.

Олимпийн наадмын татамид юүко үнэлгээгээр өрсөлдөгч нь ялж цаашаа барилдахаар боллоо.

Бээжин, Лондоны олимп дараалан финалд шалгарч байсан Монголын ард түмний хайртай аварга ийнхүү гурав дахь олимпоо өндөрлүүллээ.

              Рио-2016 олимпийн наадмын албан ёсны гэрэл зурагчин Ч.Ганбат