Үндэсний их баяр наадмын өмнө Монгол түмэндээ сайн мэдээ дуулгая. Монголчууд Оюутолгойн хэлэлцээрт түүхэн амжилт гаргалаа гэж Засгийн газар өнөөдөр мэдэгдэв. Энэ үеэр Сангийн сайд З.Мэндсайхaн дараах мэдээллийг өглөө.

-Хэлэлцээр хүнд нөхцөлд болсон ч үр дүнд хүрлээ. Хувь нийлүүлэгчдийн зээлийг эрэмбээрээ хамгийн сүүлд төлдөг. Төслийн зээл гэж бас бий. Олон улсын байгууллагуудын ОТ-д өгсөн зээлийн хүү 9.01 хувь байна. Бид Рио Тинтогийн зээлийн хүүг үүнээс ч бага, 7.9 хувь болгов.

SOFR+4 хувь гэж тохирлоо. Хүүг хамгийн багаар тогтоолоо" гэв.

Манай хувийн хэвшил буюу системийн нөлөө бүхий банкууд, томоохон группууд олон улсаас жилийн 8.2-8.6 хувийн хүүтэй санхүүжилт татаж байна.