Орон сууцны айл өрхийн ус, дулааны үйлчилгээний үнэ тариф шинэчлэгдсэн байна. Шинэ тарифаар тоолууртай айл өрхийн цэвэр усны үнэ 1 м³ нь 2,000 төгрөг, бохир усны үнэ 1 м³ нь 1,820 төгрөг болжээ.

Харин тоолуургүй айл өрхийн цэвэр усны хэрэглээг нэг хүнээр тооцож, сарын 18,414 төгрөг, бохир усны үйлчилгээ 16,430 төгрөгөөр тооцохоор байна.

Үүнээс гадна цэвэр усны үйлчилгээний суурь хураамж 3,125 төгрөг/сар, бохир усны үйлчилгээний суурь хураамж 625 төгрөг/сар байхаар тогтоожээ.

Орон сууцны халаалт болон оюутны байрны подваль “0”-ын өрөөний халаалтын үнэ 1 м² нь 531 төгрөг, хэмжүүрээр тооцвол 1 ГЖ нь 3,592 төгрөг байна.

Харин дулааны эрчим хүчний үйлчилгээний суурь хураамжийг талбайн хэмжээнээс хамаарч:

• 40 м² хүртэлх талбайтай бол сард 3,465 төгрөг
• 41-80 м² бол сард 5,775 төгрөг
• 81 м²-ээс дээш бол сард 11,550 төгрөгөөр тооцохоор болжээ.

Мөн дээрх үнийн дүн нь НӨАТ ороогүй үнэ юм.

Эдгээр тарифыг Хот, суурины ус хангамж, ариутгах татуургын ашиглалт, үйлчилгээ зохицуулах хорооны 2025 оны 12 дугаар сарын 11-ний өдрийн 126 дугаар тогтоол болон Эрчим хүчний зохицуулах хорооны 2026 оны тавдугаар сарын 29-ний өдрийн 345 дугаар тогтоолоор тус тус баталсан байна. 

Эх сурвалж: Орон сууц нийтийн аж ахуйн удирдах газар