Архангай аймгийн Эрдэнэмандал сумд 2025 оны 7-р сарын 30-ны 18.36 цагаас 19.24 цаг хүртэл хүчтэй салхитай аадар бороо, мөндөр оржээ. Энэ үеэр салхины хурд 16м/с, өрөвхийлөлт хурд 27 м/с хүрч, тунадас 19.1 мм орсон байна. 

Хүчтэй аадар борооны улмаас 18 өрхийн 21 гэр нурж ард иргэдэд ихээхэн хэмжээний хохирол учиржээ. Архангай аймгийн Онцгой байдлын газар болон сумын Онцгой комисс айл өрхүүдэд учирсан хохирлын хэмжээг тогтоохоор ажиллаж буй юм. 

Ойрын өдрүүдэд гэнэтийн усархаг бороо, хүчтэй салхитай болох тул ард иргэд, малчдад сонор сэрэмжтэй байхыг ЦУОШГ-аас анхааруулж байна.