УИХ-ын гишүүн, Хүний эрхийн дэд хорооны дарга Х.Тэмүүжин дээрх саналыг дэвшүүлж байна. Тэрээр “Авлигыг үл тэвчих зорилгоор УИХ-ын Хууль зүйн байнгын хороо албан тушаалнуудын хөрөнгө орлогын мэдүүлгээр нээлттэй сонсгол хийдэг болъё.

Ингэснээр хөрөнгө орлогын мэдүүлгээ гаргаж өгөөгүй, буруу гаргасан, орлогоо нуун дарагдуулсан албан тушаалтнуудын асуудлыг ил тод хэлэлцэх боломжтой болно. Түүнээс гадна энэ нь Авилгатай тэмцэх байгууллагын ажиллагаанд дэмжлэг болох төдийгүй тэдний үйл ажиллагааг хууль ёсны байна уу гэдэгт тавих хяналт болно” гэсэн байр суурьтай байна.

Одоогоор хөрөнгө орлогын мэдүүлгээ худал мэдүүлсэн хэмээн нэр нь гарч байгаа албан тушаалтнууд нь голчлон дунд түвшнийхэн байгаа бөгөөд харин УИХ-ын болон Засгийн газрын гишүүдээс хөрөнгө орлогын мэдүүлгээ худал мэдүүлсэн гэх мэдээлэл гараагүй байна. Тэд үнэхээр худал мэдүүлэхгүй байна уу, эсвэл тэднийг шалгах эрх мэдэлтэн олдохгүй байна уу гэдэг нь бас л анхаарал татна.

М.Жаргал