Хоолны дэглэм барих, цусны бүлэг хоёр хоорондоо харилцан уялдаатай болохыг Германы эрдэмтэд тогтоожээ. Учир нь энэхүү уялдаа холбооны хооронд ямар нэг зөрчил үүссэнээс тухайн хүний биед ямар нэгэн өвчний эх үүсвэр илэрдэг аж. Хүний эрүүл мэндэд муугаар нөлөөлдөг зарим нэг хүнсний бүтээгдэхүүнүүд тухайн хүний цусны бүлэгтэй тохирдоггүй байна. Хэрэв та өөрийгөө хэддүгээр бүлгийн цустайгаа мэддэг бол хүнсний ямар бүтээгдэхүүн хэрэглэж болох талаар мэдэж аваарай.

I бүлгийн цустай бол
Хоолондоо аль болох бага зэргийн нүүрстөрөгч харин уураг их хэмжээгээр хэрэглэхэд зүгээр. Өдөр тутмын хэрэгцээт хүнсний бүтээгдэхүүндээ талх, гоймон аль болох бага хэрэглээрэй. Харин өөх багатай мах хэрэглэж болно. Энэхүү дэглэмийг буруу хэрэглэвэл ходоодны шарх, үе мөчний өвчтэй болох магадлал өндөр байгааг анхаар.

II бүлгийн цустай бол
Энэхүү бүлэгт хамаарагдах хүмүүс ихэвчлэн хорт хавдар, зүрхний шигдээс өвчнөөр өвчлөх магадлал өндөр. Иймээс махгүй цагаан хоол хэрэглэх нь зохимжтой. Хоол хүнсэндээ шинэ ногоо жимс, талх, цагаан будаа тогтмол хэрэглээрэй.

III бүлгийн цустай бол
Та хоолны дэглэм хатуу баримтлах шаардлагагүй. Гэхдээ мах, сүү, сүүн бүтээгдэхүүн өргөн хэрэглэх нь сайн талтай. Харин энэ бүлгийн цустай хүмүүсийн мэдрэлийн систем амархан муудах талтай учир аливаад их мэдрэмтгий ханддаг. Иймд өөртөө анхаарал тавихад илүүдэхгүй.

IV бүлгийн цустай бол
Энэ нь хамгийн ховор бөгөөд уг бүлэгт хамаарагдах хүмүүс өөрсдийгөө хамгийн азтайд тооцох хэрэгтэй. Ямар ч үед эрүүл мэндээрээ аюулд өртөх нь ховор юм. Тэгэхдээ шарсан, хайрсан зүйл тийм сайн биш гэдгийг санаарай.

www.e-health.mn Эрүүл мэндийн портал