Герман улсын Дрезден хотноо арваннэгдүгээр сарын 12-25-ны хооронд болж өн­дөр­лөсөн дэлхийн шатрын 38 ду­­гаар олимпод Монголын баг, тамирчид амжилттай оролц­­сон билээ. Уг олимпийн их наа­дамд 11 өрөг тог­лос­ноос долоон хожил авсан "Авар­га" коллежийн сурагч А.Энх­туул, есөн өрөг тог­лос­ноос таван хо­жил авч, дөр­вөн удаа хайн­цсан Ц.Мөнх­­чулуун нар  олон ул­сын шат­рын хол­боо­ны мас­терын бал­лын эзэн болжээ. Сүүлийн жилүүдэд ша­тарчид тив, дэл­хий, олим­пийн наад­муудад амжилттай орол­цож байгаа. Тухайлбал, Ма­као­гийн олимп, Оюутны дэл­хийн аварга шал­гаруулах тэмцээн зэргээс мөнгө, хүрэл ме­далийг эх орондоо авчир­сан.

Манай баг, тамирчдын үзүүлж байгаа энэхүү ам­жил­туудыг үнэ­лэн Олон ул­сын шатрын хол­бооноос эмэг­тэйчүүдийн дэл­хийн "Гран при супер" тэм­цээнийг 2010 онд Улаан­баа­тар хотноо зохион явуу­лах шийдвэр гаргасан байна. Дэл­хийн 38 дугаар олим­пийн наадамд амжилт­тай оролцож цом хүртсэн А.Энх­туул, Ц.Мөнх­чулуун болон бусад тамирчдыг өчиг­дөр УИХ-ын гишүүн Д.Лүндээ­жан­цан, З.Энх­болд нар Тө­рийн ор­донд хүлээн авч уул­зан баяр хүр­гэсэн. Энэ үеэр "Мон­голчууд оюун ухаан, сэт­гэлгээгээрээ дэлхийн том­­­­чуудтай эн тэн­цүү өр­сөлдөж ялж чадаж бай­гааг ма­най охид нотоллоо" гэдгийг Монголын шатрын холбооны тэргүүн С.Энхцаг хэлж байв.  

Н.Гантулга