МУГЖ Ө.Уянга ОХУ-ын Буриад улсын Улаан-Үд хотын дуурийн театрт тавигдсан Дж.Пуччинигийн ТОСКА дуурийн Тоскагийн дүрийг чадварлагаар амилуулан Монголынхоо дуурийн урлагийг оросын үзэгчдэд харуулаад, мэдрүүлээд ирсэн.

Ө.УЯНГА   Буриад улсын Дуурь бүжгийн академик театрын гоцлол дуучин, Буриадын Ардын жүжигчин Н.Мөнхзултай хамтарсан БАХАРХАЛ нэртэй   хүндэтгэлийн тоглолтыг толилуулах гэж байна.

Дуучин Н.Мөнхзул 2003 онд СУИС-ийн дуурийн дуулаачийн ангийг МУГЖ Ө.Уянгатай хамт төгсч  Буриадын дуурь бүжгийн академик театрт 10 гаран жил ажиллаж байна. Тэрээр 2006 онд Буриад улсын гавьяат жүжигчин,  2012 онд Буриад улсын Ардын жүжигчин цолоор энгэрээ мялаан эх орныхоо нэрийг бахархалтайгаар авч яваа эрхэм дуучин юм. 

Нэг ангиас төрсөн  МУГЖ, Буриад улсын ардын жүжигчин цолын эзэд болсон дуучид тайзан дээр хамтарсан тоглолт хийж буй нь эх орон,хайр сэтгэл, ээж ааваа хүндэтгэн бахархан дуулах БАХАРХАЛ тоглолтын илэрхийлэл юм.

БАХАРХАЛ хүндэтгэлийн тоглолт энэ сарын 29-нд 19 цагаас СТӨ-нд тоглоно. 

Бахархал тоглолтонд  Монголын болон Оросын, Дэлхийн алдарт хөгжмийн зохиолчдын бүтээлүүдээс дуулагдана. Тоглолтонд УГЗ удирдаач Н.Бүтэнбаярын удирдлаган дор Улсын Филармонийн симфони найрал хөгжим бүрэн бүрэлдэхүүнээрээ оролцох бөгөөд Монголын үзэгчдийн бахархалыг төрүүлсэн БАХАРХАЛ тоглолтонд урьж байна.