Технологийн салбарын хөгжлийг дэлгэн харуулах ICT EXPO 2015 өнөөдөр Мишээл төвд 12.00 цагаас нээлтээ хийх гэж байна. Энэ удаагийн экспод онцгой үүрэгтэйгээр оролцож буй Мобиком корпорацийн Гүйцэтгэх захирал Дэвид Холлидэйтэй уулзаж, дараах асуултанд хариулт авлаа.

-Таны бодлоор ICT EXPO ямар ач холбогдолтой вэ?
-ICT EXPO нь мэдээллийн технологийн салбарт үйл ажиллагаа явуулдаг олон аж ахуйн нэгжийг нэг дор цуглах боломжоор хангаж, хоорондоо туршлага солилцох гүүр нь болдог.

Энэ жилийн хувьд 9 дэх жилдээ зохион байгуулагдаж байгаа нь бас их билэгдэлтэй. Учир нь энэ салбарын эхийг тавьсан Олон Улсын Цахилгаан Холбооны байгууллага үүсч хөгжсөний 150 жилийн ой  энэ жил тохиож байна.

Манай Мобиком компанийн хувьд энэ том арга хэмжээний ерөнхий ивээн тэтгэгчээр оролцож байгаадаа таатай байна. Бид энэхүү үзэсгэлэнд оролцсоноор гэр бүл, найз нөхөд, бизнесийг улс даяар төдийгүй дэлхий дахинаа холбох болсон мэдээллийн болон тоон технологийн шилдэг бүтээл, санаануудыг нэгтгэн нэг дор таван өдрийн турш танилцуулах гэж байна.

ICT EXPO 2015 үзэсгэлэнд хүрэлцэн ирснээр өөрийн бизнес болон үйл ажиллагаандаа сүүлийн үеийн дэвшилтэд технологийг хэрхэн ашиглаж, үр ашгаа нэмэгдүүлэх боломжуудыг нээх, дэвшилтэт шинэ бүхэнтэй танилцах бүрэн боломжтой.

-ICT Expo үзэсгэлэнгийн зочдод үзүүлэхээр бэлтгэсэн шинэлэг зүйлсээс сонирхуулаач гэвэл?
-Энэ жилийн хувьд бизнесийг эрчимтэй хөгжүүлэх мэдээлэл технологийн шинэ шинэ шийдлүүдийг санал болгож байгаагаараа илүү онцлогтой бас үр өгөөжтэй байгаа.

Ийм ч учир экспо 2015 өмнөх жилүүдээс илүү өргөн хүрээтэй Монголын болон дэлхийн дэвшилтэт мэдээллийн технологийг танилцуулсан үйл явдал болно.

Хөтөлбөрт шинээр нэмэгдэж байгаа зүйлсээс дурдвал хөгжмийн тоглолт, Монголын болон дэлхийн мэдээллийн технологийн шилдэг төлөөлөгчдийн оролцох TEDx ярианууд, e-sport тэмцээнүүд болон Монголын байр суурийг илтгэх гарааны бизнесүүдийн танилцуулга зэрэг олон талт үйл ажиллагааг нэмж оруулсан.

Мөн хүн болгоны гайхшралыг өөрийн эрхгүй төрүүлэх шинэ содон бүтээлүүдийг танилцуулахаар бэлдсэн.

-Мобикомын хувьд энэ жил ямар шинэлэг бүтээгдэхүүн танилцуулахаар бэлдсэн бол?
-Монголд анх удаа үзэсгэлэнгийн зочид харилцаа холбооны хамгийн дэвшилтэт 4G LTE технологитой танилцах боломжтой. 4G LTE гэдэг нь илүү хурдтай интэрнэтийн технологи бөгөөд давуу тал нь зураг, дүрс, видеог тасалдалгүй илгээх, үзэх боломжтой юм.

Үзэсгэлэн зохиогдох таван өдрийг бидэнтэй хамт өнгөрүүлж 4G LTE болон бусад технологийн дэвшилтэй танилцаарай.