Сөүл-Улаанбаатар чиглэлийн ОМ302 дугаартай шууд нислэг газардаж, 266 иргэн эх орондоо ирлээ. Үүнд Мэргэжлийн хяналтын газрын хоёр байцаагч, ХӨСҮТ-ийн нэг эмнэлзүйч эмч багтжээ. 

Мэргэжлийн хяналтын байгууллагаас нислэгийн явцад болон Инчеон, Буянт-Ухаа боомтод ажиллаж, зорчигчдын биеийн байдалд хяналт тавин тандалт хийн ажиллажээ. 

Сөүл-Улаанбаатар чиглэлийн тусгай нислэг өчигдөр буюу дөрөвдүгээр сарын 30-ны 20:40 цагт Буянт-Ухаа нисэх буудалд газардсан. 

Маргааш буюу тавдугаар сарын 2-нд Франкфурт-Улаанбаатар транзит нислэгээр нийт 13 улсаас 263 иргэн тус тус ирэх юм. Ийнхүү гурван өдрийн хугацаанд нийт 807 хүн эх орондоо ирнэ. Тусгай нислэгээр ирсэн иргэдийг 21 хоног тусгаарлах бөгөөд нийт 7 байршилд тусгаарлан байрлуулах юм.

Буянт-Ухаа боомт дахь Хилийн мэргэжлийн хяналтын албаны эрүүл ахуй, халдвар хамгааллын хяналтын улсын ахлах байцаагч,  Б. Жаргал, Бүх зорчигчдыг короновирусийн шинжилгээ хийлгэсэн эсэхийг шалгасан. Сөүлээс онгоцонд суулгахаас өмнө нийт зорчигчдын халууныг хэмжиж, аюулгүй байдлыг ханган ажилласан.

Мэргэжлийн хяналтын хоёр байцаагч болон ХӨСҮТ-ийн эмнэлзүйн эмч зорчигдыг ялгаж агаарын хөлөгт суулгажээ. Үүний дараа бүх зорчигчдоос эрүүл мэндийн тодорхойлолт авсан. Үүнд 1-5 шинж тэмдгийг сонгосон таван зорчигчыг ХӨСҮТ-д тусгаарлахаар болжээ.

Мэргэжлийн хяналтын байгууллага агаарын хөлгийг тусгай талбайд буулган, улаан, шар, ногоон бүс татан ажиллаж байна.

Тус нислэгээр ирсэн иргэдийг:

• Цэргийн төв эмнэлэг,
• ОБЕГ-ын харьяа “Давтан сургалт, сэргээн заслын төв-113 дугаар ангийн “Онцгой Жаргалант” сувилал,
• “Ивээлт”, зочид буудал
• “Альфа”, зочид буудал
• “Дрийм” зочид буудал
• “Наранбулаг” амралтын газруудад 21 хоног тусгаарлах юм.