“Монголын Хөгжлийн Гарц” төрийн бус байгууллагаас санаачлан хамтран ажиллагч байгууллага, мэргэжилтнүүдийн дэмжлэгтэйгээр 7 дахь жилдээ зохион байгуулж буй Мэдээллийн технологийн “ОНЫ ХYН-2009” шалгаруулалтын шилдгийн шилдгүүд 2008 оны 12-р сарын 28-нд тодорлоо.

Мэдээллийн Технологийн салбарын Оны шилдгийн шилдгээр:

МАНЛАЙЛАГЧ
ГрэйпСити Монгол ХХК-ийн ерөнхийлөгч Б.Ганболд

ПРОГРАМ ЗОХИОГЧ
Грэйпсити Монгол ХХК-ийн техник хөгжлийн хэлтсийн дарга А.Амарсанаа

СУДЛААЧ
ШУА-ийн Информатикийн хүрээлэнгийн лабораторийн эрхлэгч Д.Амарсайхан

ИНЖЕНЕР
Мэдээлэл Шуудан Харилцаа Холбоо Технологийн Газрын бодлогын хэрэгжилтийг зохицуулах хэлтсийн мэргэжилтэн Н.Баатарсүрэн

ТЕХНИКЧ
Харилцаа Холбооны Зохицуулах Хорооны радио төхөөрөмж, давтамж хяналтын шинжээч, инженер Ө.Цогзолмаа

АНХДАГЧ
МУБИС-ийн Компьютер Мэдээллийн Технологийн Сургуулийн захирал Л. Чойжоованчиг нар шалгарчээ.

Ус сувгийн удирдах газрын Мэдээллийн Технологийн инженер, програмист Б.Амгалан Олон нийтээс хамгийн их санал авсан нэр дэвшигчээр шалгарлаа.

Оны Хүн-2009 шалгаруулалтыг хамтран зохион байгуулсан МШХХТГ, МТҮП, ХХЗХ, МИДАС/МОНИТА, МҮХАҮТ, ШУА; үйл ажиллагааг ивээн тэтгэсэн Юнител, М-Си-Эс, Грэйпсити Монгол, Мэйжикнэт компаниуд, УБ Төмөр зам, Эрдэнэт үйлдвэр; Мэдээллийн ивээн тэтгэгчээр ажилласан Компьютер Таймс, Gogo.mn, iTech.mn, News.mn, Caak.mn, Tsagtur.mn, Монголын Хэвлэлийн Хүрээлэн, Нийгмийн толь сонинд Санаачлагчдын хороо, Ажлын хэсэг гүн талархал дэвшүүлж байна.  

Шилдгүүдийн шагналыг МХТ-ийн салбарын шинэ жилийн баярын цэнгүүний үеэр гардуулсан бөгөөд энэхүү цэнгүүнийг МИДАС/МОНИТА ТББ-аас уламжлал болгон зохион байгуулдаг юм.

Шагнал Санаачлагчдын Хороо