Аравдугаар ангийн сурагчид болон багш хоорондын харьцаа, гэнэн томоогүй насны хайр дурлал, баяр баясгаланг харуулсан "Хэцүү анги" кино үзэгчдийн сонирхлыг татсан дэлгэцийн бүтээл болсон. Харин тус киноны уран бүтээлчид "Хэцүү анги-2" нэртэйгээр киноныхоо үйл явдлыг өрнүүлэхээр зэхжээ. Одоогоор зохиол дээрээ ажиллаж байна. Зохиолоо дуусахаар киноны багийнхан зураг авалтандаа орох аж. Уран бүтээлчид маань энэ удаагийн бүтээлээ илүү олон ангитай байхаар төлөвлөжээ.

Монгол 50, Франц 50 хувь
Саяхан “Frееzоnе" хамтлаг арван жилийн ойгоо рок, попынхонтой нэгэн үдэш тэмдэглэн өнгөрүүлсэн. Тэгвэл тус хамтлагийн дуучин Төрөө удахгүй шинэ цомгоо сонсогчиддоо өргөн барихаар завгүй явна. Арав гаруй дуунаас бүтэх цомогтоо одоогоор нэр өгч амжаагүй ч хэд хэдэн дуунд нь клип хийлгэж байгаа гэсэн.

Мөн цомгийнхоо зураг авалтын 50 хувийг Францад хийлгэжээ. Европ өнгө аяс ханхалсан тус цомог нь энэ сарын сүүлээр сонсогчдын хүртээл болох аж. Мөн тэрбээр дуучин Д.Баярцэцэгтэй хамтран нэгэн шинэ уран бүтээл дээр ажиллаж байгаа гэсэн.