Наяад оны дундуур "Цаг үе залуус" нэвтрүүл гээр үзэгчдийн танил болж, сүүлд "Үүргэвчтэй аялал" нь олны таашаалд ихэд нийцсэн З.Алтай хэдийн уран бүтээлээсээ хөндийрч УИХ-ын гишүүний зөөлөн сэнтийд дасчээ. Харин түүний өв залгамжлагчаар өрсөлдөгчгүй тодорсон нэгэн бол охин А.Энхзул нь.

Тэрээр "25 дугаар суваг" телевизийг анх үүсэн байгуулагдах үеэс эхлээд хөгжмийн нэвтрүүлэг хөтөлдөг байсан юм. Тэрээр "Камертон" хамтлагийн Мээдээгээс "Та өнөөдөр баасан уу?" гэдэг асуулт тавьж багагүй шүүмжлэлд өртөж байсан удаатай. Үүнээс хойш аавын нэр сүрээр гадаад харилцааны ажилтан, дэд захирлын албан тушаалд дэвшиж, амжилтын шатаар өгссөнийг үгүйсгэхгүй.

Тэднийх хүү, охин хоёртой ч эрхэм гишүүний уран бүтээлийн өв залгамжлагчаар Зулааг хэдийн тодруулчихсан.

Аавынхаа мэргэжлийг өвлөхөөр барахгүй тус телевизэд эзэмшдэг багахан хувьд эзэн суух эрхтэй болсон түүнтэй карьер хөөсөн залуу сууна гэж үеийнхэн нь ярьдаг юм билээ.

З.Алтай гишүүн "Нэг байртай, "Ланд-200"-тай, газаргүй, жилийн орлого 289 сая 547 мянган төгрөг" гэж хөрөнгө орлогоо даруухнаар мэдүүлжээ.

Харин "25 дугаар суваг" телевизийн 12,25 хувийг албан ёсоор эзэмшдэг юм байна.

Г.Дангина