Засгийн газрын ээлжит хуралдаан өчигдөр (2026.09.09) болсон. Энэ үеэр Баян-Өлгий, Ховд аймагт бүртгэгдсэн малын гоц халдварт шүлхий өвчний SAT-1 хэв шинжийн дэгдэлтийн нөхцөл, хариу арга хэмжээний талаар хэлэлцжээ.

Тус асуудлыг Шадар сайд, Улсын онцгой комиссын дарга Н.Номтойбаяр Засгийн газрын хуралдаанд танилцуулсан байна. Халдварын тархалтыг хязгаарлах, голомтыг устгах арга хэмжээний хүрээнд зайлшгүй устгалд оруулсан малын нөхөн төлбөрийг шийдвэрлүүлжээ.

Холбогдох хууль, журмын дагуу малчдад нөхөн төлбөр олгож, өвчний улмаас үүссэн эдийн засгийн хохирлыг бууруулж байна. 

Мөн өвчний голомтод тавих хяналт, тандалт, ариутгал, халдваргүйтгэлийг үргэлжлүүлж, тархалтыг таслан зогсоох, дахин дэгдэхээс урьдчилан сэргийлэх арга хэмжээг эрчимжүүлэхийг холбогдох байгууллагуудад үүрэг болгожээ.

Эх сурвалж: ОБЕГ