Өмнөговь аймгийн тоосжилт ихтэй уурхайн бүсэд ажилладаг 1000 ажилтныг мэргэжлээс шалтгаалсан өвчнийг эрт илрүүлэх урьдчилан сэргийлэх үзлэгт хамруулахаар болжээ.

Өмнөговь аймагт хэрэгжүүлж буй Хөдөлмөрийн аюулгүй байдал, эрүүл мэндийн цогц аяны хүрээнд уг үзлэгийг зохион байгуулах бөгөөд энэ оны зургаадугаар сард эхний ээлжид 500 ажилтныг хамруулахаар төлөвлөсөн байна.

Мэргэжлийн өвчин судлалын эмнэлгийн эмч, мэргэжилтнүүд хийж байгаа бөгөөд уурхайчдын дунд түгээмэл тохиолддог мэргэжлээс шалтгаалсан өвчлөлийг эрт илрүүлэх, урьдчилан сэргийлэхэд чиглэж байгаа аж.

Мөн аяны хүрээнд Цогтцэций сумын сонгогдсон аж ахуйн нэгжүүд болох Эрүүл мэндийн төв болон “Голд Магнет” ХХК-д ажлын байрны хөдөлмөрийн нөхцөл, эрсдэлийн үнэлгээ хийх ажлыг зохион байгуулж байна.

Эх сурвалж: Гэр бүл, хөдөлмөр, нийгмийн хамгааллын яам