Ерөнхий сайд Г.Занданшатарыг огцруулах саналыг Төрийн байгуулалтын байнгын хороогоор хэлэлцэж эхэллээ. Тус хорооны даргаар УИХ-ын гишүүн Ц.Сандаг-Очир ажилладаг. 

Ирц одоогоор 40.6 хувьтай байна. 

УИХ-ын гишүүн Д.Сайнзориг:

-УИХ-ын гишүүд бид бүрэн эрхийнхээ хүрээнд Ерөнхий сайд Г.Занданшатарыг огцруулах саналыг гаргасан. Г.Занданшатар есдүгээр сарын 30-ний өдөр олон нийтэд мэдээлэл хийхдээ ХЗДХ-ийн сайдаар нэр бүхий гишүүнийг томиллоо гэж мэдэгдсэн. Томилоогүй хэр нь томиллоо гэж олон нийтэд мэдээлж хууль дээдлэх зарчмыг зөрчин үйлдэл гаргасан. Энэ нь төрийн эрх мэдэл хуваарилах зарчмыг зөрчсөн үйлдэл гэж үзэж байна. 

Мөн Засгийн газрын 55 дугаар тогтоол баталж далд эдийн засгийг дэмжсэн шийдвэр гаргасан байна. Энэ тогтоол нь Үндсэн хууль, Татвар, Хууль тогтоомжийн тухай зэрэг хуультай зөрчилдөж байна. Энэ нь улс орны эдийн засагтай хохиролтой шийдвэр болжээ.