Элсэлтийн шалгалтад Физикийн хичээлээр улсын хэмжээнд нийт 11667 шалгуулагч оролцсон байна. Үүнээс  Баянзүрх дүүрэгт 4, Хан-Уул, Чингэлтэй, Сүхбаатар дүүрэгт тус бүр нэг, Хөвсгөл аймаг 2, Дорнод аймаг 2, Өвөрхангай, Дархан-Уул, Архангай аймаг тус бүр нэг, нийт 14 шалгуулагч 800 оноо авсан байна.

Эдгээр шалгуулагчаас хамгийн өндөр гүйцэтгэлтэй буюу 97 онооны гүйцэтгэлээр 800 оноо авсан нь

•  “Шинэ Монгол” сургуулийн төгсөгч Баттулгын Эрмүүн,
• “Шинэ Монгол” сургуулийн төгсөгч Бямбадоржийн Мэндбаяр,
• Дорнод аймгийн Хэрлэн сумын ЕБ-ын нэгдүгээр сургуулийн төгсөгч Баттулгын Оюунбилэг нар байна.

Орос хэлний шалгалтад нийт 479 шалгуулагч оролцсон байна. Үүнээс:

• 2025 оны төгсөгч Бөхбатын Ану,
• Архангай аймгийн Эрдэнэбулган сумын ЕБ-ын хоёрдугаар сургуулийн төгсөгч Цэдэндамбаагийн Мөнхцогт,
• Орхон аймгийн Баян-Өндөр сумын ЕБ-ын 19 дүгээр сургуулийн төгсөгч Батхүүгийн Намуун,
• Баян-Өлгий аймгийн ЕБ-ын “Бастама” сургуулийн төгсөгч Бирлесийн Мухамет,
• Сүхбаатар дүүргийн Монгол Оросын хамтарсан дунд сургуулийн төгсөгч Алтансүхийн Анхбаяр нар хамгийн өндөр гүйцэтгэлтэй буюу 100 онооны гүйцэтгэлээр 800 оноо авсан байна.

Монгол хэлний шалгалтад 15944 шалгуулагч оролцсон. Үүнээс Хан-Уул дүүрэгт 4, Сүхбаатар аймагт 5, Дархан-Уул аймагт 4, Хөвсгөл аймаг 3, Орхон аймаг 2, Баянгол, Сонгинхайрхан, Чингэлтэй дүүрэг, Завхан, Сэлэнгэ, Увс, Хэнтий аймаг тус бүр нэг, нийт 25 шалгуулагч 800 оноо авсан байна.

Эдгээр шалгуулагчаас хамгийн өндөр гүйцэтгэлтэй буюу 87 онооны гүйцэтгэлээр

• Сүхбаатар аймгийн Баруун-Урт сумын ЕБ-ын дөрөвдүгээр сургуулийн төгсөгч Батжаргалын Отгонболор,
• “Шинэ монгол Харумафүжи” сургуулийн төгсөгч Гансэрээгийн Нандин-Эрдэнэ нар  800 оноо авсан гэж Боловсролын яамнаас мэдээллээ.