Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
УИХ-ын гишүүн, Эрүүл мэндийн сайд С.Ламбаа Эрүүл мэндийн тухай хуульд нэмэлт, өөрчлөлт оруулах тухай хуулийн төслийг УИХ-ын дарга Д.Дэмбэрэлд өнөөдөр өргөн барив.
Эмнэлгийн мэргэжилтэнд мэргэжлийн үйл ажиллагаа эрхлэх зөвшөөрөл олгох, хүчингүй болгох эрхийг эрүүл мэндийн асуудал хариуцсан төрийн захиргааны төв байгууллагад шилжүүлснээр энэ үйл ажиллагаанд эрүүл мэндийн асуудал эрхэлсэн Засгийн газрын гишүүн шууд хяналт тавих боломж хязгарлагдмал болсон. Түүнчлэн анагаах ухааны боловсрол олгох сургууль төгсөгчид нь өрх, сум, тосгон, сум дундын эмнэлэг, аймаг, хот, дүүргийн нэгдсэн эмнэлэг, дүүргийн эрүүл мэндийн болон бүсийн оношлогоо, эмчилгээний төв, нүүр, ам судлал, уламжлалт анагаах ухааны чиглэлийн хувийн хэвшлийн эмнэлэгт хоёр жил дадлагажигчаар ажиллахдаа эмчлэх эрхийн зөвшөөрөлгүй байгаа нь хүн амын дунд эмчлэх үйл ажиллагаа эрхлэх зөвшөөрөлгүй, хүлээх хариуцлага нь тодорхой бус дадлагажигч эмч нарыг ажиллуулж байна гэсэн дургүйцэл гарч байгаа нь хуулийн хэрэгжилтэд сөргөөр нөлөөлж байгаа аж.
Тиймээс эмнэлгийн мэргэжлийн үйл ажиллагаа эрхлэх зөвшөөрлийг Засгийн газрын хэрэгжүүлэгч агентлаг Эрүүл мэндийн газар болон Эрүүл мэндийн яамны дэргэдэх эмнэлгийн мэргэжилтний ёс зүйн хорооны дүгнэлтийг үндэслэн эрүүл мэндийн асуудал эрхэлсэн Засгийн газрын гишүүн олгох, хүчингүй болгож байхаар хуулийн төсөлд тусгажээ.
Мөн анагаах ухааны боловсрол олгох их суургууль төгссөн их эмчийг хуульд заасан эрүүл мэндийн байгууллагад ажиллахад нь хоёр жилийн хугацаатай эмчлэх эрх олгож байх, үүнтэй холбогдуулан эмчлэх үйл ажиллагаа эрхлэх зөвшөөрлийг хоёр ба таван жилийн ялгаатай тогтоож, дадлагажигч эмч гэсэн нэр томъёог хасахаар болжээ.
Хуульд өөрчлөлт оруулснаар анагаах ухааны боловсрол олгох сургуулийг төгссөн их эмч нь бусад их эмч нарын адил эрх, үүрэг хариуцлага хүлээж ажиллах боломжтой болох юм байна. Ингэснээр тэдний цалингийн шатлал нь өөрчлөгдөж, энэ арга хэмжээнд 2009 оны сүүлийн хагас жилд Эрүүл мэндийн сайдын төсөвт 165 сая төгрөгийн нэмэлт санхүүжилт шаардлагатай байгаа ч төсөвт ачаалал үүсгэхгүйгээр сайдын төсвийн багцад багтааж шийдэх боломжтой гэж үзэж байгаа юм байна.
УИХ-ын гишүүн, Эрүүл мэндийн сайд С.Ламбаа Эрүүл мэндийн тухай хуульд нэмэлт, өөрчлөлт оруулах тухай хуулийн төслийг УИХ-ын дарга Д.Дэмбэрэлд өнөөдөр өргөн барив.
Эмнэлгийн мэргэжилтэнд мэргэжлийн үйл ажиллагаа эрхлэх зөвшөөрөл олгох, хүчингүй болгох эрхийг эрүүл мэндийн асуудал хариуцсан төрийн захиргааны төв байгууллагад шилжүүлснээр энэ үйл ажиллагаанд эрүүл мэндийн асуудал эрхэлсэн Засгийн газрын гишүүн шууд хяналт тавих боломж хязгарлагдмал болсон. Түүнчлэн анагаах ухааны боловсрол олгох сургууль төгсөгчид нь өрх, сум, тосгон, сум дундын эмнэлэг, аймаг, хот, дүүргийн нэгдсэн эмнэлэг, дүүргийн эрүүл мэндийн болон бүсийн оношлогоо, эмчилгээний төв, нүүр, ам судлал, уламжлалт анагаах ухааны чиглэлийн хувийн хэвшлийн эмнэлэгт хоёр жил дадлагажигчаар ажиллахдаа эмчлэх эрхийн зөвшөөрөлгүй байгаа нь хүн амын дунд эмчлэх үйл ажиллагаа эрхлэх зөвшөөрөлгүй, хүлээх хариуцлага нь тодорхой бус дадлагажигч эмч нарыг ажиллуулж байна гэсэн дургүйцэл гарч байгаа нь хуулийн хэрэгжилтэд сөргөөр нөлөөлж байгаа аж.
Тиймээс эмнэлгийн мэргэжлийн үйл ажиллагаа эрхлэх зөвшөөрлийг Засгийн газрын хэрэгжүүлэгч агентлаг Эрүүл мэндийн газар болон Эрүүл мэндийн яамны дэргэдэх эмнэлгийн мэргэжилтний ёс зүйн хорооны дүгнэлтийг үндэслэн эрүүл мэндийн асуудал эрхэлсэн Засгийн газрын гишүүн олгох, хүчингүй болгож байхаар хуулийн төсөлд тусгажээ.
Мөн анагаах ухааны боловсрол олгох их суургууль төгссөн их эмчийг хуульд заасан эрүүл мэндийн байгууллагад ажиллахад нь хоёр жилийн хугацаатай эмчлэх эрх олгож байх, үүнтэй холбогдуулан эмчлэх үйл ажиллагаа эрхлэх зөвшөөрлийг хоёр ба таван жилийн ялгаатай тогтоож, дадлагажигч эмч гэсэн нэр томъёог хасахаар болжээ.
Хуульд өөрчлөлт оруулснаар анагаах ухааны боловсрол олгох сургуулийг төгссөн их эмч нь бусад их эмч нарын адил эрх, үүрэг хариуцлага хүлээж ажиллах боломжтой болох юм байна. Ингэснээр тэдний цалингийн шатлал нь өөрчлөгдөж, энэ арга хэмжээнд 2009 оны сүүлийн хагас жилд Эрүүл мэндийн сайдын төсөвт 165 сая төгрөгийн нэмэлт санхүүжилт шаардлагатай байгаа ч төсөвт ачаалал үүсгэхгүйгээр сайдын төсвийн багцад багтааж шийдэх боломжтой гэж үзэж байгаа юм байна.