Технологийн аварга Apple компани ирэх сарын 24-нд шинэ цагаа худалдаанд гаргах гэж байна. Хэдийгээр хамгийн хямд загвар нь 349 ам. доллароос эхэлж байгаа ч 10000-17000 ам. доллароор үнэлэгдэх тансаг загварууд нь компанийг “Burberry, Rolex, LV” зэрэг тансгуудын эгнээнд элсэхэд туслах юм.

Тиймээс технологийн дэвшлийг агуулсан учир “Apple Watch Edition” загварт ирээдүй бий

Өндөр үнэтэй бүтээгдэхүүн худалдаанд гаргах гэж байгаа тухай компани албан ёсоор мэдэгдсэний дараа хувьцааных нь үнэ 0,43 хувиар нэмэгджээ. Үнэнийг хэлэхэд тансаг зэрэглэлийн, сайн чанарын цагны ертөнцөд 10000 ам. доллар гэдэг байдаг л үнэ аж.

“Apple Watch Edition” загварын хамгийн хямд болох 18 каратын алтан гадаргуутай нь 10000 ам. доллар бол ягаан алтан гадаргуутай нь 17000 ам. доллар байх юм. Гэхдээ үүнийг худалдаж авах хүн хэр олон бэ?

Сүүлийн үеийн судалгаагаар Америкт 10 хүн тутмын нэг нь фитнесс хэмжигч ашигладаг бол насанд хүрэгчдийн дөнгөж хоёр хувь нь ухаалаг цаг хэрэглэдэг гэжээ. Тэгэхээр Apple-ийн тансаг бүтээгдэхүүний худалдан авагчид бүр ч бага байх нь ойлгомжтой.

Харин Rolex, Burberry-ийн бүтээсэн цагнуудыг авдаг хүмүүс байсаар байдагт асуудлын гол нь оршино. Жишээ нь Швейцарын алдарт Rolex 110 жилийн “тансаг түүх”-тэй. Тиймээс технологийн дэвшлийг агуулсан учир “Apple Watch Edition” загварт ирээдүй бий. Магадгүй Apple 2100 оны тансаг зэрэглэлийн, ухаалаг цагийг үйлдвэрлэгч “Rolex” нь ч болох юм билүү.